QR-dyń batysynda jańbyr jaýyp, jel soǵady - 25 qyrkúıekke arnalǵan aýa raıy boljamy
ASTANA. 24 qyrkúıek. QazAqparat - Tsıklonnyń yqpalymen QR-dyń batysynda erteń keı jerlerde jańbyr jaýyp, jel kúsheıedi, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Qazaqstannyń basqa aýmaǵynda aýa raıy jaýyn-shashynsyz bolady dep kútilýde.
Mańǵystaý, Batys Qazaqstan, Aqtóbe, túnde Jambyl, kúndiz Atyraý, Qostanaı oblystarynda keı jerlerde 15-22 m/s jyldamdyqpen jel soǵady.
Túnde jáne tańerteń Soltústik Qazaqstan, Shyǵys Qazaqstan oblystarynda jekelegen jerlerde tuman bolady.
Qaraǵandy, Shyǵys Qazaqstan oblystarynda keı jerlerde 0-2 gradýsqa deıin kún sýytady.
Respýblıkanyń ońtústik, ońtústik-shyǵysynda tótenshe joǵary órt qaýpi saqtalady.
Aldaǵy táýlikterde Ońtústik Qazaqstan jáne Qyzylorda oblystarynyń aýmaǵyndaǵy Syrdarııa ózeninde Shardara sý qoımasynan bolatyn tolqyndardyń esebinen sý deńgeıiniń aýytqýshylyǵy baıqalady.
Batys Altaıdyń jekelegen ózenderinde (Qara Ertis, Ob, Buqtyrma jáne t.b.) jańbyrdyń saldarynan sý deńgeıi kóterilýi múmkin.
