QR-dyń Barselonadaǵy konsýldyǵy ıspandyqtar asyrap alǵan qazaqstandyq balalarmen kezdesti
ASTANA. QazAqparat - Qazaqstannyń Barselonadaǵy konsýldyǵy Katalonııa úkimetiniń qamqorlyqqa alý jáne asyrap alý boıynsha Katalonııa ınstıtýtynyń qoldaýymen Qazaqstanda asyrap alynǵan balalar jáne olardyń otbasylarymen kezdesý ótkizdi.
Shara Halyqaralyq balalardy qorǵaý kúnine oraılastyrylǵan, dep atap ótti QR SІM-nen.
QR-dyń Barselonadaǵy konsýly Danat Musaev balalardy merekemen quttyqtap, konsýldyq jáne Qazaqstanda balalardy asyrap alǵan otbasylar arasyndaǵy únemi baılanysty saqtaý úshin osyndaı sharalardyń mańyzdylyǵyn atap ótti.
D.Musaev jınalǵandardyń nazaryn asyrap alynǵan balalarmen baılanys ornatý jáne ustap turýdy konsýldyqtyń basymdyq mándetteriniń biri ekenine aýdardy. Qazirgi ýaqytta Katalonııada 250-den astam asyrap alynǵan qazaqstandyq bala bar, olardyń búkil Ispanııa boıynsha sany - 800-ge jýyq.
Ispanııa tarapynan kezdesýde Instıtýt dırektory Agnes Rýsıol sóz sóıledi. Ol qazaqstandyq balalardyń bilim alýǵa degen jaqsy qabilettiligin atap ótip, Qazaqstan konsýldyǵyna osyndaı sharany ótkizý bastamasy úshin alǵysyn bildirdi.
