QR DSM Jetisý oblysynda jedel járdem qyzmetkerleriniń qaza tabýyna baılanysty kóńil aıtty

ASTANA. QazAqparat – QR Densaýlyq saqtaý mınıstrligi Jetisý oblysy Aqsý aýdanynyń jedel medıtsınalyq járdem qyzmetkerleriniń týystary men jaqyndaryna kóńil aıtty, dep habarlaıdy QazAqparat mınıstrliktiń baspasóz qyzmetine silteme jasap.

«Feldsher Demeýbaev Muhıt Qojahmetuly jáne júrgizýshi Esbolatov Ermek Saýytqalıuly Mataı aýylyndaǵy balaǵa shaqyrtýdan bazaǵa oralyp kele jatyp, trassada ólimmen aıaqtalǵan jol apatyna ushyrady.

Bul qyzmettik mindetterin atqarý kezinde qaza tapqandardyń otbasylary úshin jáne densaýlyq saqtaýdyń barlyq salasy úshin úlken qaıǵyly jaǵdaı. Mundaı jaǵdaılar dárigerlerdiń janqııarlyǵyn bildiredi, olar óz ómirlerin qaterge tigip, basqalardy qutqarady»,-delingen kóńil aıtý hatynda.

Aıta keteıik, búgin Jetisý oblysyna qarasty Aqsý aýdanynda jergilikti mańyzy bar «Kóltaban-Mataı» tas jolynda jedel járdem mashınasy men «Ýral» júk kóligi soqtysty. Jol apatynan eki adam qaza tapty.