QR DSM stomatologııalyq klınıkalardy lıtsenzııalaý tártibin qaıta qaraıdy

ASTANA. KAZINFORM – QR Densaýlyq saqtaý vıtse-mınıstri Erbol Ospanov zeınetaqy jınaqtaryn stomatologııalyq qyzmetterge paıdalaný múmkindigin alyp tastaýǵa baılanysty  stomatologııa klınıkalarynyń qyzmetin retteý jóninde pikir bildirdi.

Vıtse-mınıstrdiń aıtýynsha, aldaǵy ýaqytta bul salada lıtsenzııa berý tártibi ózgertiledi.

– Qolda bar derekterdi eskersek, jańa klınıkalardy ashý boıynsha lıtsenzııa berý jáne baqylaý tetikteri qaıta qaralady. Ekinshiden, biz lıtsenzııa berilgennen keıingi baqylaý (postlıtsenzııalyq baqylaý) máselesin kóteremiz. Qazir lıtsenzııa bir ret beriledi jáne tek sot sheshimimen ǵana qaıtaryp alynýy múmkin, – dedi E.Ospanov Májilis kýlýarynda.

Vıtse-mınıstr atap ótkendeı, bul ózgerister klınıkalar qyzmetine baqylaýdy kúsheıtýge jáne zeınetaqy jınaqtaryn paıdalanýda ashyqtyqty arttyrýǵa baǵyttalǵan.

Buǵan deıin Májilis depýtaty Baqytjan Bazarbek zeınetaqy jınaqtarynan artylǵan somany stomatologııalyq qyzmetterge tóleýge tyıym azamattardyń quqyǵyn buzatynyn aıtqan edi.

Buǵan deıin Májilis depýtaty Edil Jańbyrshın jańa ratıfıkatsııalanatyn zań jobalarynyń qorytyndylaryn oqyǵan edi.