QR DSM onkologııalyq naýqastardy dári-dármekpen ýaqtyly qamtamasyz etýdi tapsyrdy
ALMATY. QazAqparat - Almatyǵa jumys saparymen kelgen QR Densaýlyq saqtaý mınıstri Eljan Birtanov onkologııalyq aýrýǵa shaldyqqandardy ýaqtyly dári-dármekpen qamtamasyz etýdi mindettedi, dep habarlaıdy QazAqparat tilshisi.
Almatyda Qazaq onkologııa jáne radıologııa ǵylymı-zertteý ınstıtýtynda ótken selektrlik keńesýde Eljan Birtanovpen onkologııalyq naýqastardyń jaǵdaıy, dári-dármek máselesi, medıtsınalyq járdemniń sapasy týraly talqylandy.
Qazaq onkologııa jáne radıologııa ǵylymı-zertteý ınstıtýtynyń basqarma tóraıymy Dılıara Qaıdarovanyń aıtýynsha, 2018 jyldyń baǵdarlamalyq onkologııanyń kórsetkishi bar. Burynǵy dıagnostıka 0-1 satysy 26,2%-ǵa deıin artty, 5 jyldyq ómir uzaqtyǵy 51,0%-ǵa ósti. Sonymen qatar, 2019 jyldyń birinshi toqsanynda Almaty, Qyzylorda, Atyraý, Túrkistan oblysy, Shymkentte qaterli isik kórsetkishi joǵary ekendigi anyqtaldy.
Almaty, Atyraý, Qyzylorda oblystarynyń densaýlyq saqtaý basqarmasynyń basshylaryna mınıstr onkologııa uıymynyń bas dárigeri qyzmetine qanshalyqty saı ekendigin anyqtaýdy tapsyrdy.
QR Densaýlyq saqtaý mınıstrligi Farmatsııa komıtetiniń basshysy Lıýdmıla Bıýrabekova onkologııalyq aýrýǵa shaldyqqandardy dári-dármekpen qamtamasyz etý aýdıtynyń nátıjesin aıtyp ótti.
Keńesýde onkologııalyq aýrýǵa shaldyǵý kúdigin týǵyzatyn adamdarǵa kompıýterlik jáne magnıtti-rezonansty tomografııanyń klınıkalyq-dıagnostıkalyq qyzmettiń kórsetý kerektigi aıtyldy. Onkologııalyq komplekstik jospar aıasynda 2019 jylǵa bul máseleni sheshýge 1 592 804 teńge bólindi.
