QR DSM Nortıvan dárisiniń birqatar partııasyn keri qaıtaryp aldy
«Eýropalyq dárilik zattar agenttigi (EMA), Taǵam ónimderi men dári-dármekter sapasyn canıtaplyq qadaǵalaý basqarmasy (Food and Drug Administration - FDA) negizin Linhai (Lınhaı) qalaǵan Zhejiang Huahai Pharmaceuticals («Chjetszıan Hýahaı Farmasıýtıkals») qytaı kompanııasy óndirgen valsartan belsendi sýbstantsııasyn naryqtan qaıtaryp aldy. Oǵan belsendi sýbstantsııanyń keıbir partııalary preparattarynda qaýipti qospanyń bolýy sebep bolǵan», - delingen habarlamada.
Qaıtaryp alý bastamasy qytaı kompanııasy valsartan óndirýshilerine jetkizetin belsendi farmsýbstantsııa - N-nıtrozodımetılamın (NDMA) tabylýynan keıin kóterildi. NDMA yqtımaldy adam kantserogeni retinde jikteledi. Onyń valsartanda bolýy belsendi zatty óndirý tásiliniń ózgerýine baılanysty dep boljanady.
NDMA baýyrda obyr isikteriniń túzilýin týǵyzýy múmkin zat retinde jiktelgen. Ony arnaıy daıyndap shyǵarady nemese keıbir pectıtsıdter, avtomobıl shınalary nemese balyq óńdeý óndirisiniń janama ónimi retinde alynady. Balcaptan kóptegen taǵam ónimderinde (súrlengen nemese ystalǵan et, balyq, syra jáne t.b.), sonymen qatar temeki tútinininde mardymsyz kontsentpatsııada bolady, alaıda bul jaǵdaıda onyń adam aǵzasynda jınaqtalý yqtımaldyǵy az.
EMA, FDA qazir NDMA deńgeılerine jáne preparattyń qabyldaǵan patsıentterge qýatty áser etýine baǵalaý júrgizedi. Bul týraly aqparat qosymsha habarlanady. Jańa aqparat paıda bolǵanda, ol retteý organdarynyń caıttarynda birden jarııalanady.
Dárilik zattardyń memlekettik tizilimi derekteri boıynsha, Chjetszıan Hýahaı Farmasıýtıkals óndirgen Valsartan belsendi farmatsevtıkalyq sýbstantsııasy myna preparattardyń tirkeý kýálikterine engizilgen:
1) Nortıvan, úlbirli qabyqpen qaptalǵan 40 mg, 80 mg, 160 mg tabletkalar, óndirýshi «Gedeon Rıhter» AAQ;
2) Vazar, 40 mg, 80 mg, 160 mg tabletkalar jáne Vazar-N, 80/12,5 mg, 160/12,5 mg, 160/25 mg tabletkalar, óndirýshi BalkanFarma-Dýpnıtsa AD;
3) Vanateks, 80 mg, 160 mg tabletkalar jáne Vanateks Kombı, 80/12,5 mg, 160/25 mg tabletkalar, óndirýshi Polfarma farmatsevtıkalyq zaýyty AQ;
4) Kombı Kardofıks-sanovel Plıýs, 5/160/12,5 mg, 5/160/25 mg, 10/160/12,5 mg, 10/160/25 mg tabletkalar, óndirýshi Sanovel Farmako-ındýstrııalyq saýda kompanııasy, Túrkııa.
Bul preparattar arterııalyq qysymy joǵary patsıentterde, sonymen qatar júrek jetkiliksizdigi bar nemese jedel koronarlyq sındromǵa shaldyqqan patsıentterde ınfarkt pen ınsýlt profılaktıkacy úshin qoldanylady.
Mınıstrliktiń málimetinshe, preparattar kúrdeli aýrýlardy emdeýge paıdalanylatyndyqtan, qaıtaryp alynǵan ppepapattardy qabyldaýdy emdeýshi dáriger ruqsatynsyz toqtatýǵa bolmaıdy. Olardy qabyldaýdy balamaly ppepapat nemese emdeý kýpcynyń taǵaıyndalýyna deıin jalǵastyrý kerek. Osyǵan oraı, joǵaryda kórsetilgen óndirýshiler óndirgen valsartandy qabyldaıtyn patsıentter preparatty almastyrý maqsatynda dárigerge qaralý kerek. Basqa da valsartan preparattaryn ári qaraı qabyldaýǵa bolady.
Quramynda Valsartan bar dárilik preparattardyń óndirýshileri atalǵan preparattyń áser etýshi zaty úshin shıkizat óndiretin kompanııadan osy shıkizat sapasynyń qanaǵattanǵysyz bolý múmkindigi týraly habarlama aldy.
«Gedeon Rıhter» AAQ ókildiginiń haty negizinde 2018 jylǵy 10 shildede Qazaqstan Respýblıkasy Densaýlyq saqtaý mınıstrligi Farmatsııa ýomıteti tóraıymynyń buıryǵymen Nortıvan, úlbirli qabyqpen qaptalǵan 40 mg, 80 mg, 160 mg tabletkalar dárilik zatynyń birqatar serııalary (partııalary) qaıtaryp alyndy. Balkan Farma-Dýpnıtsa AD, Polfarma farmatsevtıkalyq zaýyty AQ jáne Sanovel Farmako-ındýstrııalyq saýda kompanııasy óndirýshileriniń basqa Valsartan preparattaryna qatysty sheshimder qabyldaý úshin patsıentterdi qorǵaýǵa shuǵyl sharalar qoldaný usynyldy.