QR DSM menıngıtpen baılanysty jaǵdaıǵa túsinik berdi

ASTANA. QazAqparat - QR Densaýlyq saqtaý mınıstrligi baspasóz qyzmetiniń jetekshisi Gaýhar Bısarına el aýmaǵyndaǵy menıngıt aýrýyna qatysty túsinik berdi, dep habarlaıdy QazAqparat.

«Menıngokokk ınfektsııasy boıynsha elimizdegi epıdemıologııalyq jaǵdaı turaqty. Jyl basynan beri 83 oqıǵa naqtylandy. Olardyń basym bóligi Almaty qalasy men Almaty oblysynda. Sonymen birge 12 maýsymnan beri Almatyda, al 30 shildeden Almaty oblysynda birde bir oqıǵa tirkelmedi», - dep toqtaldy G. Bısarına.

Onyń sózine qaraǵanda, qyrkúıekte irińdi menıngıt Almaty oblysyndaǵy úsh oqýshyda baıqaldy. Sonymen qatar, menıngıt kúdigimen eki jaǵdaı Soltústik Qazaqstan oblysynda jáne taǵy ekeýi Aqtóbede boldy. ıAǵnı Aqtóbede bireýi naqtylansa, ekinshisinde anyqtalmady. SQO-da eki jaǵdaı da rastalmady. Kóz jumǵan stýdentke streptokokk jáne pnevmokokk dıagnozy qoıyldy.

Sonymen qatar ol keshe Aqtaýda menıngokokk ınfektsııasy kúdigimen áskerı bólimnen 1997 jylǵy naýqas jetkizilgenin aıtty. Sarbazdyń jaǵdaıy aýyr. Belgili bolǵandaı, ol medıtsınalyq bólimde emdelgen. Naýqasqa qatysty zerthanalyq málimetter qaralyp jatyr. Onymen baılanysta bolǵan 335 adamǵa qatysty zertteý sharalary júrgizilýde.

Budan buryn habarlanǵandaı, Mańǵystaý oblysynda №6656 áskerı bólimshesiniń sarbazy aýrýhanaǵa aýyr halde jetkizilgeni málim boldy. Qazir ol juqpaly aýrýlar ortalyǵynyń jansaqtaý bóliminde jatyr.