QR DSM koronavırýsqa kúdiktelgen elordadaǵy áıelge qatysty aıtty
«Nur-Sultan qalasynda koronavırýsqa kúdik keltirilgen áıel kópsalaly medıtsınalyq ortalyqtyń qabyldaý bólimshesine jetkizildi. Ony ınfektsıonıst dáriger qarady. Sondaı-aq, zerthanalyq-dıagnostıkalyq zertteýler júrgizildi. Saraptama nátıjesinde koronavırýs jáne jedel respıratorly vırýstyq ınfektsııa dıagnozy rastalǵan joq. Áıeldi aýrýhanaǵa jatqyzýdyń qajeti bolmady. Naýqas tirkelgen jeri boıynsha emhanaǵa dınamıkalyq baqylaýǵa jiberildi», - dedi Dıas Ahmetshárip.
Sonymen birge onyń aıtýynsha, Nur-Sultan qalasynyń emhanalary karantınge jabylǵan joq.
«Qytaıdan kelgenderge jáne olarmen baılanysta bolǵan adamdarǵa qońyraý soǵý arqyly jáne úılerdi aralaý arqyly kún saıyn baqylaý júrgizilýde», - deıdi ol.
Resmı ókil buǵan deıin qansha adam karantınde qalyp otyrǵanyn málim etken bolatyn.