QR DSM kereksiz analızderdi taǵaıyndaǵan dárigerlerge jaýapkershilik qarastyrmaq
Mindetti áleýmettik medıtsınalyq saqtandyrý aıasynda Densaýlyq saqtaý mınıstrligi tegin beriletin dári-dármekter tizimin keńeıtip, olardyń qoljetimdiligin arttyrý boıynsha keshendi jumystar júrgizip jatyr.
Osyǵan baılanysty, dárigerdiń taǵaıyndaýynyń durystyǵyna jáne emdeý tıimdiligin qamtamasyz etýge baqylaý júrgizýge múmkindik beretin retseptilerdi berýdi baqylaý kúsheıtildi.
«Dári-dármekterdi orynsyz ilgeriletý de kóptegen elderde oryn alǵan jaıt, Qazaqstanda da zerthanalyq kompanııalardan syıaqy alatyn kereksiz tekserýlerdi orynsyz taǵaıyndaý faktileri bar. Olar belgili faktiler. Emdelýshilerdi qorǵaý úshin tıisti sharalardy qabyldaıtyn bolamyz», — dedi densaýlyq saqtaý mınıstri.
Mundaı shara kereksiz tekserýler sanyn azaıtýǵa múmkindik beredi, bul óz kezeginde turǵyndardyń shyǵyndaryn birshama tómendetedi.
E. Birtanov Qazaqstanda bir adamǵa densaýlyq saqtaýǵa jumsalatyn shyǵyndar jylyna $300 jýyq somany quraıtynyn aıtty, al EYDU damyǵan elderinde bul bir adamǵa $4 000 quraıdy, ıaǵnı 10 eseden asa aıyrmashylyq bar.
«Tegin dári-dármekter beriledi, biraq barlyq analızderdiń shyǵyny ótelmeıdi. Búginde Qazaqstan árbir azamattyń densaýlyǵyn qorǵaýǵa bólip otyrǵan shyǵyndar barlyq zamanaýı medıtsınalyq tehnologııalardy qamtamasyz etý úshin jetkiliksiz», — dedi mınıstr.
Densaýlyq saqtaý mınıstrliginiń basshysy atap ótkendeı, azamattar qymbat turatyn protsedýralarǵa, onyń ishinde erikti medıtsınalyq saqtandyrýǵa da ózderi aqy tóleýge májbúr. Biraq, MÁMS engizý bul somany eki esege arttyrýǵa múmkindik beredi.
«MÁMS engizý osy shyǵyndy 2 esege arttyrýǵa múmkindik beredi. Biz 2025 jylǵa qaraı bir qazaqstandyqqa shaqqanda bul qarjy kólemi jylyna $600 jýyq somany quraıtyn bolady dep shamalap otyrmyz», - dep naqtylady sala basshysy.