None
Bul týraly QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lıýdmıla Bıýrabekova málim etti, dep habarlaıdy QazAqparat tilshisi.
«Qazirgi ýaqytta koronavırýs juqtyrǵan 21 adam aýyr jaǵdaıda jatyr. Vırýsty juqtyrý jaǵdaıynyń kúndik ósimi shamamen 9,9 paıyzdy quraıdy. Ótken táýlikte búkil respýblıkada 86 jaǵdaı tirkeldi. Atap aıtqanda Nur-Sultanda - 20, Almatyda 28 adam koronavırýsty juqtyrdy. Kúndizgi jáne statsıonarlyq karantınde jatqan adamdardyń sany – 34 236. Onyń ishinde patsıentterdiń 68 paıyzy úı karantıninde», - dedi Lıýdmıla Bıýrabekova OKQ-da onlaın rejımde ótken baspasóz máslıhatynda.
Komıtet tóraǵasy sonymen qatar medıtsına qyzmetkerleriniń koronavırýsty juqtyrý faktilerine keńirek toqtaldy.
«Qazirgi tańda 211 medıtsına qyzmetkeri koronavırýs juqtyryp alǵan. ıAǵnı jalpy naýqastardyń 20,5 paıyzy – medıtsına salasynyń qyzmetkerleri. Bári de medıtsınalyq uıymdarda tirkelgen. 13 oblysta osyndaı oqıǵalar oryn alsa, eń kóp jaǵdaıdy Nur-Sultan jáne Almaty qalalarynda, SQO jáne Atyraý oblystarynan baıqaýǵa bolady. Vırýs juqtyrǵan 211 adamnyń 74 jaǵdaıy – profıldi statsıonarlarda eńbek etetinder. Onyń ishinde Nur-Sultan qalasyndaǵy karantındik ortalyqta 20 adam, provızorlyq statsıonarda - 10 (Qaraǵandy, SQO, BQO, Túrkistan), ınfektsııalyq aýrýhanalarda 44 medıtsınalyq qyzmetker (Almaty, Nur-Sultan qalalary Atyraý, Jambyl, Qaraǵandy, Qyzylorda) koronavırýsty juqtyrǵan», - dedi ol.