QR DSM ınternette «Naýqastyń jeke kabıneti» jobasyn iske qosýdy josparlaýda
ASTANA. QazAqparat - Qazaqstandyqtar elektrondyq densaýlyq tólqujatyn alyp, «naýqastyń jeke kabınetin» paıdalana alady, dep habarlady keshe QR densaýlyq saqtaý vıtse-mınıstri Bolat Tókejanov VII Astana ekonomıkalyq forýmy aıasyndaǵy paneldik sessııada.
Bul týraly primeminister.kz portaly habarlady. «Elektrondyq densaýlyq tólqujatynyń negizinde naýqastyń jeke kabınetin qurý josparlanǵan, ol jerden árkim jeke densaýlyǵy, dárigerge barý qajettigi týraly eskertý alyp, skrınıngten nemese kásibı protsedýradan óte alady», - dedi B.Tókejanov.
Onyń aıtýynsha, 2020 jylǵa qaraı Qazaqstanda elektrondyq densaýlyq saqtaýdy qalyptastyrý avtomatty túrde ýaqytyly, ózekti, durys jáne tolyq aqparat alýǵa, eń aldymen naýqas pen medıtsınalyq qyzmetkerdiń suranysyna baǵyttalǵan densaýlyq saqtaý júıesin qurýǵa múmkindik beredi.
Onyń aıtýynsha, aqparattyq tehnologııalar áleminde dáriger kommýnıkatsııalyq quraldarymen jaraqtanyp, keńes berýdiń, dıagnostıkanyń jáne naýqas jaǵdaıyn qashyqtyqtan baqylaýdyń formalaryna kóshýge múmkindik beretin tıimdi kompıýterlik baǵdarlamalarmen paıdalana bilýi kerek.
