QR DSM «Deni saý bala - salaýatty bolashaq!» aktsııasyn ótkizýde
ASTANA. QazAqparat - 1 maýsym halyqaralyq balalardy qorǵaý kúni sheńberinde respýblıkamyzdyń barlyq óńirinde «Deni saý bala - salaýatty bolashaq!» uranymen is-sharalar ótýde, dep habarlaıdy QR DSM baspasóz qyzmetinen.
Ósip kele jatqan urpaqtyń densaýlyǵyn saqtaý jáne nyǵaıtý maqsatynda medıtsınalyq-sanıtarııalyq alǵashqy kómek uıymdarynda salamatty bala kabınetteri, jastardyń densaýlyq ortalyqtary jumys isteıdi.
«Elimizdiń barlyq óńirlerinde Halyqaralyq balalardy qorǵaý kúni aıasynda kóptegen is-sharalar ótkiziledi.
Mysaly, Astanadaǵy Ana men bala ulttyq ortalyǵynda kishkentaı naýqastar aldynda qazaqstandyq estrada juldyzdary óner kórsetedi. Ortalyqta 1 maýsymda naýqas balalarǵa arnalǵan jańa oıyn alańy ashylady.
Travmatologııa jáne ortopedııa ǵylymı-zertteý ınstıtýtynyń dárigerleri 23 mamyrdan bastap kún saıyn emhanada dene kelbetiniń buzýlýy, omyrtqasynyń ózgerýi sııaqty máseleler boıynsha tegin keńes beredi. Ortalyq mamandary 23 mamyr men 10 maýsym aralyǵynda balalar úıleri men birqatar mektepterde balalarǵa tekserý júrgizedi.
Mamyr-maýsym aılarynda dárigerler balalar úıleri, patronatty otbasylarda, balalar aýyldaryna baryp, dárigerlerlik tekserý ótkizedi.
Balalar men jasóspirimderdiń qatysýymen soporttyq sharalar, fýtbol, voleıbol, basketbol, mánerlep syrǵanaý, jeńil atletıka jáne ulttyq oıyndardan jarystar uıymdastyrylady.
Sporttyq-buqaralyq is-sharalar sport ardagerleri, olımpıada chempıondary jáne ózge de tanymal adamdardyń qatysýymen ótkiziledi.
Barlyq uıymdastyrylatyn is-sharalar bolashaq urpaqtyń densaýlyǵyn saqtaý, nyǵaıtý jáne qalpyna keltirýge baǵyttalatyn bolady», - dep jazylǵan habarlamada.
