03:33, 24 Qarasha 2018 | GMT +5
QR DSM dárigermen jasalǵan eń úzdik selfı baıqaýyn jarııalady
ASTANA. QazAqparat - QR Densaýlyq saqtaý mınıstrligi súıikti dárigerimen jasalǵan eń úzdik selfı baıqaýyn jarııalady, dep habarlaıdy QazAqparat atalmysh vedomostvonyń saıtyna silteme jasap.
«Elimizdiń árbir turǵyny baıqaýdyń qatysýshysy bola alady. Ol úshin súıikti dárigerimen selfı jasap, Sizge medıtsınalyq kómek kerek bolyp qalǵan jaǵdaı jaıly ómirlik tarıhyńyzdan úzindi esse qazaq nemese orys tilderinde jazý kerek.
Budan soń sýretin jáne qazaq nemese orys tilderindegi esseni zdrav_konkurs_2018@mail.ru elektrondyq poshtaǵa jiberý qajet jáne Facebook áleýmettik jelisindegi óz akkaýntyna #Menińdárigerim #Moıdoktor heshtegimen ornalastyrý kerek. Jumystar aǵymdaǵy jylǵy 10 jeltoqsanǵa deıin qabyldanady. Keri baılanysty qamtamasyz etý úshin óz telefondaryńyzdy kórsetýdi umytpańyz»,- delingen habarlamada.
Baıqaý qorytyndysy boıynsha anyqtalǵan 3 jeńimpaz baǵaly syılyqtarǵa ıe bolady.