QR DSM-da qutyrý dertiniń aldyn alý máseleleri talqylandy
ASTANA. 30 jeltoqsan. QazAqparat - Janýarlar men adamdar arasynda qutyrý dertiniń aldyn alý máseleleri boıynsha Qazaqstannyń veterınarlyq jáne sanıtarlyq-epıdemıologııalyq qyzmetteriniń aýmaqtyq organdary basshylarynyń keńesi ótti.
Bul týraly QR DSM-nyń baspasóz qyzmetinen málim etti.
Keńestiń maqsaty - Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasy sheńberinde janýarlardan adamǵa beriletin ınfektsııalyq aýrýlardyń aldyn alý máseleleri boıynsha sektoraralyq jáne vedomstvoaralyq ózara árekettesýdiń tıimdiligin arttyrý.
Májilis QR DSM Memlekettik sanıtarlyq-epıdemıologııalyq qadaǵalaý komıtetiniń tóraǵasy-QR Bas memlekettik sanıtarlyq dárigeri Jandarbek Bekshınniń jáne QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti tóraǵasynyń orynbasary Mereke Taıtýbaevtyń tóraǵalyǵymen ótti.
Aýmaqtyq veterınarııalyq jáne memlekettik sanıtarlyq-epıdemıologııalyq qadaǵalaý organdaryna úı jáne jabaıy janýarlardy ıegýdi uıymdastyrý, jergilikti atqarýshy organdarmen qańǵybas ıtterge jáne mysyqtarǵa qarsy kúres boıynsha birlesken jumysty qarqyndatý, turǵyndar arasynda qutyrý dertiniń aldyn alý sharalary boıynsha sanıtarlyq-aǵartý jumysyn kúsheıtý tapsyrmalary berildi.
