QR DSM-da eldegi densaýlyq saqtaý nysandarynda órt qaýipsizdigin qamtamasyz etý máselesi qaraldy
ASTANA. 30 jeltoqsan. QazAqparat - QR Densaýlyq saqtaý mınıstrliginde oblystardaǵy, Astana men Almaty qalalaryndaǵy densaýlyq saqtaý nysandarynda órt qaýipsizdigin qamtamasyz etý máseleleri boıynsha selektorlyq keńes ótti.
Bul týraly vedomstvonyń baspasóz qyzmetinen habarlady.
Májilis jumysyna QR Tótenshe jaǵdaılar mınıstrliginiń Órtke qarsy qyzmet komıteti men aýmaqtyq bólimshelerdiń basshylary qatysyp, onyń barysynda respýblıkanyń densaýlyq saqtaý nysandarynda aǵymdaǵy jylǵy júrgizilgen tekserý nátıjeleri qaraldy.
Májilistiń qorytyndysy boıynsha QR DSM-nyń oblystyq jáne Astana men Almaty qalalyq densaýlyq saqtaý basqarmalarynyń basshylaryna órtke qarsy qaýipsizdik máselelerin erekshe baqylaýǵa alý, medıtsınalyq nysandardyń ınjenerlik-tehnıkalyq nyǵaıtylýy men órt qaýipsizdigin júrgizý josparynda aıqyndalǵan is-sharalardyń ýaqtyly jáne sapaly oryndalýyn qamtamasyz etý, merekelik is-sharalardy ótkizý kezinde emdeý mekemelerindegi órtke qarsy rejımniń saqtalýyna baqylaýdy kúsheıtý tapsyryldy.
