QR DSM álemde ýshyǵyp turǵan Batys Nil bezgegine qarsy keshendi profılaktıkalyq sharalar júrgizýde

aǵymdaǵy jylǵy qyrkúıekte álemde Batys Nil bezgegimen syrqattanýshylyq boıynsha qolaısyz epıdemıologııalyq jaǵdaı saqtalyp otyrǵanyn habarlaıdy.

Vedomstvonyń málimetinshe, Batys Nil bezgeginiń vırýsyn  masalar taratady ári tolyq zerttelmegen qozdyrǵysh bolyp tabylady. Aýrý bezgektikpen mı qabyqtaryn asqyndyryp, silekeıli qabyqshalardy zaqymdaýmen, lımfadenopatııamen sıpattalady. Aýrýlardy boldyrmaý jáne baqylaý jónindegi eýropalyq ortalyqtyń (ECDC) derekteri boıynsha Eýroodaq elderinde jazǵy maýsym bastalǵaly beri ınfektsııanyń 115 jaǵdaıy tirkelgen. Epıdemııalyq úderis Grekııa, Izraıl, Rýmynııa, Serbııa, Italııada baıqalady. Al AQSh-tyń aýrýlardy baqylaý jáne boldyrmaý jónindegi ortalyǵynyń (CDC) resmı aqparaty boıynsha jalpy alǵanda elde Batys Nil bezgeginiń zerthanalyq rastalǵan 1993 jaǵdaıy tirkelgen, onyń ishinde 87-i ólimmen aıaqtalǵan. Aýrýdyń barlyq tirkelgen jaǵdaılarynyń 70%-dan astamy memlekettiń ońtústik bóligindegi 6 shtatta oryn aldy.

Reseıdiń 15 óńirinde, ásirese Ońtústik jáne Ortalyq federaldyq okrýgterinde aýrýdyń 326 jaǵdaıy tirkeldi. Neǵurlym qarqyndy epıdemııalyq úderis Volgograd, Astrahan, Rostov, Voronej jáne Lıpetsk oblystarynda ótýde. Aýrý sý qoımalaryna jaqyn tabıǵı aımaqtardyń, osy ýchaskelerdegi qalalyq bólikterindegi turǵyn úı ǵımarattarynyń jertóle úı-jaılarynyń qanaǵattanǵysyz jaǵdaılaryndaǵy masalardyń shaǵýymen baılanysty.

«Osyǵan baılanysty Qazaqstanda ınfektsııanyń ákelinýine jáne taralýyna jol bermeý maqsatynda Komıtettiń aýmaqtyq departamentteri epıdemııaǵa qarsy is-sharalar keshenin júrgizýde. Mamandandyrylǵan mekemeler sý qoımalarynda óńdeý júrgizýde, jergilikti atqarýshy organdar baqylaýymen rekreaktsııa aımaqtaryn, halyq demalatyn oryndardy tazartý, eldi mekenderdi kógaldandyrýdy júzege asyrýda. Adamdardyń materıaldaryn Batys Nil vırýsyna ındıkatsııalaý boıynsha jumysty uıymdastyrý jáne zerthanalardy jaraqtandyrý sharalary qabyldandy», - delingen baspasóz aıǵaǵynda.