QR DSM Aqtóbedegi 3 adamnyń óliminen keıin «Aktovegın» dárisin qoldanystan alyp tastady
ASTANA. QazAqparat - QR Densaýlyq saqtaý mınıstrligi Aqtóbedegi 3 áıeldiń ólimine sebepker bolýy múmkin degen boljammen «Aktovegın» preparatyn qoldanystan alyp tastady, dep habarlaıdy 24.kz.
«QR DSM Medıtsınalyq jáne farmatsevtıkalyq qyzmetti baqylaý komıteti tóraǵasynyń mindetin atqarýshy Rýslan Nurmuhanovtyń 9 sáýirdegi buıryǵymen "Nıkomed Avstrııa GmbH" ónimi bolyp tabylatyn «Aktovegın» dárisiniń medıtsınalyq qoldanysy toqtatyldy», - delingen habarlamada.
Qujatqa sáıkes, buǵan Aqtóbe oblysy boıynsha Komıtet departamentinen túsken hat sebep boldy. Onda atalǵan dáriniń adamǵa keri áseri týraly aıtylǵan. Oǵan qosa, buıryqta dáriniń Aqtóbe oblysynda bar úlgileri Dárilik quraldardy saraptaý ulttyq ortalyǵyna jiberilýi tıis delingen. Saraptama 30 kún júrgiziledi. Eske sala keteıik , Aqtóbedegi №3 qalalyq emhanada qaralǵan tórt naýqas áıelge dáriger kúndizgi statsıonarda medıkamentozdy eritindilerdi tamshylatyp qabyldaýǵa nusqaý bergen. Em qabyldanǵannan keıin, birneshe kúnniń ishinde, úsh naýqas 19-23 naýryz aralyǵynda birinen soń biri o dúnıege attanyp ketti. Taǵy bir zardap shegýshi birneshe kún jansaqtaý bóliminde jatyp shyqty.
