QR DSM Aqmoladaǵy jol apatynan zardap shekkender týraly aqparat berdi

ASTANA. KAZINFORM — Astana-Şýche tas jolyndaǵy jappaı apattan keıin 9 adam emdeýge jatqyzyldy. Bul týraly QR Densaýlyq saqtaý mınıstrligi baıandady. 

Zardap shekkender úsh aýrýhanaǵa – Aqkól, Bulandy aýdandyq aýrýhanalaryna jáne Avıtsenna JShS-ǵa emdeýge jatqyzyldy.

— Ulttyq shuǵyl medıtsına úılestirý ortalyǵy men Astana jáne Aqmola densaýlyq saqtaý basqarmasynyń derekteri boıynsha medıtsınalyq kómekke 20 adam, 18 jasqa deıingi 8 bala júgindi. 9 adam emdeýge jatqyzyldy, onyń ishinde 1 bala jáne 11 adam turǵylyqty jeri boıynsha ambýlatorııalyq emdelýge jiberildi, - dep jazylǵan mınıstrlik jaýabynda. 

Barlyq zardap shekkenderge soǵylý jáne súıek synyǵy dıagnozy qoıyldy. Zardap shekkenderdiń jaǵdaıy ortasha aýyrlyq dárejesinde dep baǵalanady. Barlyǵyna tolyq kólemde qajetti kómek kórsetilip jatyr. 

Buǵan deıin «Astana-Şýche» tas jolynda jappaı kólik apaty bolǵany habarlanǵan edi.