QR DSÁDM: Jastardy jumyspen qamtý josparynyń tanystyrylymy ótti

ASTANA. QazAqparat - Búgin QR Densaýlyq saqtaý jáne áleýmettik damý vıtse-mınıstri Birjan Nurymbetov Halyqaralyq eńbek uıymynyń (HEU) Shyǵys Eýropa jáne Ortalyq Azııadaǵy ókili Alena Neshporovamen kezdesti.

Júzdesý barysynda HEU ókili Qazaqstan Respýblıkasynda jastardy jumyspen qamtý boıynsha is- áreket josparynyń tusaýkeserin ótkizdi.

Іs-sharaǵa múddeli memlekettik organdardyń, Qazaqstan jumys berýshileri konfederatsııasynyń, QR Kásipodaqtar federatsııasynyń, «Jastar» ǵylymı-zertteý ortalyǵynyń jáne «Damý» kásipkerlikti damytý qorynyń ókilderi qatysty.

Joǵaryda kórsetilgen jospar jastar jumyssyzdyǵymen kúres boıynsha tıimdi sharalar qoldaný úshin baǵyttalǵan. Ol qolaıly mamandyqty tańdaýda (kásiptik baǵdar) jastardy qoldaýdy, jastardy kásipkerlik qyzmetke yntalandyrýdy jáne jastardyń eńbek naryǵyna qoljetimdiligin keńeıtýdi qarastyrady.

Qazirgi kezde uqsas jobalalar Reseıde, Ázerbaıjanda jáne TMD-niń basqa elderinde iske asyrylýda.

Kezdesý qorytyndysy boıynsha Qazaqstan Respýblıkasynda jastardy jumyspen qamtý boıynsha is-áreket jospary barlyq múddeli memlekettik organdar tarapynan qoldaý tapty, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.