QR DSÁDM múgedektik boıynsha balany tirkeýge qoıý retin túsindirdi
Bul týraly QR Densaýlyq saqtaý jáne áleýmettik damý mınıstrliginen habarlandy.
Mınıstrlik ókilderi múgedektik boıynsha tizimge qoıý rásimi men zańnama aıasyndaǵy tıisti qyzmetter men tólemder turǵysynda túsinikteme berdi.
Múgedektik aǵzanyń negizgi qyzmetiniń buzylýy jáne tirshilik áreketiniń shektelýiniń saraptalýy negizinde densaýlyǵynyń jaǵdaıy jáne ómirlik is- áreketiniń keshendi baǵalanýy turǵysynda, sondaı-aq múmkindigi shekteýli balanyń 16 jasqa deıin múgedek bolyp tanylatyn medıtsınalyq tekserýler arqyly anyqtalady. ıAǵnı múgedektikti mınıstrliktiń Eńbek, áleýmettik qorǵaý jáne kóshi-qon komıtetiniń aımaqtyq bólimshesiniń medıtsınalyq-áleýmettik saraptama bólimderi medıtsınalyq uıymdardyń joldaýymen anyqtaıdy.
Atap aıtqanda, múmkindigi shekteýli balalary bar otbasylarǵa áleýmettik qoldaý aıasynda járdemaqylar men aqysyz negizde memleket esebinen arnaıy áleýmettik qyzmetter (medıtsınalyq, turmystyq, pedagogıkalyq, psıhologııalyq, mádenı jáne basqa da) qamtylǵan.
Múgedektikti anyqtaý kezinde «Zeınetaqy tóleý jónindegi memlekettik ortalyq» RMQK bólimshesine nemese turlǵylyqty jeri boıynsha HQKO-ǵa qujattardyń belgili bir paketiniń qosymshasymen járdemaqy taǵaıyndaý ótinishi tapsyrylady.
Qoldanystaǵy zańnamaǵa sáıkes, kámeletke tolǵanǵa deıin járdemaqy múmkindigi shekteýli balanyń ata-anasyna nemese qamqorshysyna tólenedi. Kámeletke tolǵannan keıin balanyń ótinishi bolǵan jaǵdaıda járdemaqy onyń ózine rásimdeledi.
Zańǵa sáıkes, múgedektiktiń toptary on alty jastan bastap anyqtalady.