QR DSÁDM: Merekelerge oraı memlekettik qyzmetkerlerge syıaqy berý - quptarlyq is

ASTANA. QazAqparat - Eger de memlekettik organdarda qarajaty bolsa, onda merekelerge oraı memlekettik qyzmetkerlerge qarjylaı syıaqy berý quptalady. Bul týraly «QazAqparat» tilshisine bergen suhbatynda QR Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

«Zańnamada qandaı jaǵdaılarda syıaqylar berýdiń naqty negizdemeleri qarastyrylǵan. Prezıdent Nursultan Nazarbaev qarjyny únemdeýge shaqyrǵan kezde, bul másele ákimshilik jáne basqa shyǵystarǵa qatysty bolyp otyr. Osy shyǵystar buǵan qatysty emes. Bul jaǵdaıda aıyna 60 myń teńge jalaqy alyp júrgen qatardaǵy jumysshyǵa Táýelsizdik kúnine nemese Jańa jylǵa syıaqy berilse, ıaǵnı kásiporynda nemese memlekettik organda bul turǵyda qarajat tabylyp jatsa, osyndaı qadamdardy tek qoldaımyz. Sondyqtan da bul qadam búginde Prezıdent aıtyp júrgen bastamaǵa qaıshy kelip otyrǵan joq dep oılaımyn. Qazirgi kezde barsha sharalar jumys oryndaryn saqtaýǵa, jumysshylar jalaqysyn ýaqytyly alýyna baǵyttalǵan»,-dedi vıtse-mınıstr.

Osy oraıda ol memlekettik organdar men memlekettik kásiporyndar bıýdjetterinde osy maqsatqa qarajat bolǵanda nemese qarjyny únemdegen jaǵdaıda ǵana syıaqyny bere alatynyn naqtylap ótti.