QR DSÁDM kúıdirgimen syrqattaný kúdigi bar adamdardy emdeý úshin barlyq sharalardy qoldanýda
QR UEM Tutynýshylar quqyǵyn qorǵaý komıtetiniń málimetinshe, aǵymdaǵy jylǵy 7 maýsymda 5 adam (bir otbasynyń músheleri) Qaraǵandy oblysy Shet aýdany Erkindik aýylynda mal dárigeriniń kýálandyrýynsyz syrqattanǵan sıyrdy mal ıesiniń úıinde soıyp tastaıdy. Sol kúni olar maldyń etin aýyldyń 11 turǵynyna taratady. Aýrýdy juqtyrǵan mal etin qoldaný nátıjesinde 11-14 maýsym aralyǵynda 8 adam syrqattandy. Onyń 7-eýi Erkindik aýylynan, bireýi Qaraǵandy qalasynyń turǵyny (qaladan týystaryna qonaqqa kelgen).
Barlyq syrqattanǵan adamdar 18-19 maýsym aralyǵynda medıtsınalyq kómekke júginip, 20 maýsymda oblystyq juqpaly aýrýlar aýrýhanasyna jatqyzyldy. Barlyq patsıentterge «Kúıdirgi» aldyn ala dıagnozy qoıyldy. Aýrýhanaǵa jatqyzylǵan patsıentterden bezgek qabyrshyǵy men jaradan, serologııalyq zertteý (22 synama) úshin qannan materıaldar alynyp, olar Ulttyq saraptama ortalyǵynyń asa qaýipti indetter zerthanasy fılıalyna jiberildi.
20 maýsymda saǵat 20:05 ýaqytynda 25.09.1982 j. týǵan patsıent qaıtys boldy. 21 maýsymda 07:05-te 07.09.1966 týǵan patsıent qaıtys boldy.
Aýrý oshaǵyndaǵy ótkiziletin sharalardy úılestirý maqsatynda Qaraǵandy oblysy ákimi orynbasarynyń basshylyǵymen shtab uıymdastyryldy. Erkindik bóliminde aýrý belgileri bar adamdardy anyqtaý, sanıtarlyq-túsindirý jumystaryn júrgizý jáne aýrýlarmen qarym-qatynasta bolǵan adamdardy medıtsınalyq baqylaý maqsatynda aýlalardy aralaý bastaldy. Konsýltatıvtik kómek kórsetý maqsatynda aýylǵa oblystyq juqpaly aýrýlar aýrýhanasynyń epıdemıolog dárigeri men ınfektsıonıst dáriger jiberildi. Aýrýlarmen qarym-qatynasta bolǵan adamdardy (epıdemııalyq kórsetkishter boıynsha) vaktsınalaý josparlanyp otyr.
Sonymen birge, Shet aýdanyna quramynda Qaraǵandy oblystyq tutynýshylar quqyǵyn qorǵaý departamenti asa qaterli jáne karantındik ınfektsııalar epıdemıologııalyq baqylaý bóliminiń mamany, Qaraǵandy oblystyq mal dárigerlik basqarmasynyń jetekshisi, aımaqtyq mal dárigerlik ınspektsııasynyń mamany, mal dárigerlik stansasynyń dırektory, aýyldyq okrýg ákimdiginiń ókili, ınfektsıonıst dáriger bar arnaıy top bardy.
Uıymdastyrýshylyq-ádistemelik jáne praktıkalyq kómek kórsetý maqsatynda Qaraǵandy oblysyna M. Aıkımbaev atyndaǵy Qazaq karantındik jáne zoonozdyq ınfektsııalar ulttyq ortalyǵy jáne Sanıtarlyq-epıdemıologııalyq saraptama men baqylaý ǵylymı-praktıkalyq ortalyǵynyń mamandary jiberildi.