QR DSÁDM komıssııasy bıyl syrqattanǵan adamdardy emdeýdiń 130-dan astam hattamasyn qabyldady

ASTANA. QazAqparat - 2016 jyldyń 8 aıynda QR DSÁDM medıtsınalyq qyzmetterdiń sapasy boıynsha biriktirilgen komıssııasynyń 10 otyrysy ótkizildi.

Olardyń qorytyndysy boıynsha syrqattanǵan adamdardy emdeý, ońaltý men dıagnostıkalaýdyń 134 klınıkalyq hattamasy qabyldanyp, 18 medıtsınalyq tehnologııa (kardıologııa, onkologııa, oftalmologııa, neırohırýrgııa, gastroenterologııa salasyndaǵy emdeý tásilderi), sonymen qatar, medıtsınalyq kómek kórsetýdi uıymdastyrýdyń 3 standarty maquldandy (otorınolarıngologııalyq jáne sýrdologııalyq, stomatologııalyq, patologoanatomııalyq dıagnostıka men klınıkalyq tsıtologııa), dep habarlady vedomstvonyń baspasóz qyzmeti.

Joǵaryda atalǵan klınıkalyq hattamalardy ázirleýge kásibı medıtsınalyq birlestikterdiń ókilderi shaqyryldy.

QR DSÁDM-niń klınıkalyq hattamalardy ázirleý boıynsha qyzmetin medıtsınalyq birlestikterge berý maqsatynda dáleldi medıtsına, klınıkalyq hattamalardy ázirleý men engizý máseleleri boıynsha kásibı birlestikterdiń 204 ókili oqytyldy.

Esterińizge sala keteıik, «100 naqty qadam» Ult josparynyń 82-shi qadamyn oryndaý maqsatynda 2015 jyldyń 30 qarashasynda Medıtsınalyq qyzmetterdiń sapasy boıynsha biriktirilgen komıssııa quryldy. Onyń quramyna Parlament depýtattary, memlekettik organdardyń, kásibı birlestikter men ÚEU ókilderi kiredi. Komıssııany qurýdaǵy negizgi maqsat -  emdeý hattamalaryn, medıtsınalyq bilim berý standarttaryn jetildirý arqyly medıtsınalyq qyzmet kórsetýdiń úzdik standarttaryn engizý, dári-dármekpen qamtamasyz etý, medıtsınalyq qyzmetterdiń qoljetimdiligi men olardyń sapasyn baqylaý.

Komıssııa birinshi kezeńde QR DSÁDM janyndaǵy usynymdar jasaıtyn konsýltatıvtik-keńestik organy retinde qyzmet etetin bolady. Ekinshi kezeńde komıssııa óz quzyrettiligi sheńberinde sheshim qabyldaı alatyn, klınıkalyq hattamalardy, densaýlyq saqtaý, medıtsınalyq bilim berý salasyndaǵy, dárilermen qamtamasyz etý, medıtsınalyq qyzmetter qoljetimdiligi standarttaryn ázirleıtin, sonymen qatar, onyń júzege asyrylýyn baqylap, baǵalaıtyn organ bolmaq.  

Sonymen birge, jańa organ medıtsınalyq qoǵamdy azamattardyń densaýlyǵyn qorǵaý máselelerin sheshýge shaqyratyn bolady. Bul maqsatta Komıssııany ózin ózi retteıtin uıymǵa ózgertý jóninde Jol kartasy jasalyp, bekitildi