QR DSÁDM keıbir fýnktsııalary básekelestik ortaǵa jáne ózin-ózi retteıtin uıymdarǵa beriledi

ASTANA. QazAqparat - QR Densaýlyq saqtaý jáne áleýmettik damý mınıstrliginiń (budan ári - Mınıstrlik) medıtsınalyq kómek kórsetýdi uıymdastyrý jónindegi klınıkalyq hattamalardy jáne standarttardy ázirleý, sondaı-aq olardy jalpy medıtsınalyq praktıkaǵa engizý boıynsha fýnktsııalary kezeń-kezeńmen básekelestik ortaǵa jáne ózin-ózi retteıtin uıymdarǵa beriledi, dep habarlaıdy QazAqparat mınıstrliktiń baspasóz qyzmetine silteme jasap.

Bul týraly Qazaqstanda kásibı medıtsınalyq qaýymdastyqtardy damytý máseleri boıynsha selektorlyq tártipte ótken dóńgelek stol otyrysynda QR Densaýlyq saqtaý jáne áleýmettik damý vıtse-mınıstri Eljan Birtanov málimdedi.

Ol halyqty qanaǵattandyratyn básekege qabyletti jáne tıimdi densaýlyq saqtaý júıesin qurý úshin QR DSÁDM densaýlyq saqtaý salasyndaǵy keıbir máselelerdi birlesip sheshýge kásibı medıtsınalyq qaýymdastyqtardy tartatynyn atap ótti.

Eljan Birtanov álemde kásibı medıtsınalyq qaýymdastyqtar densaýlyq saqtaý salasyn damytýda negizgi ról atqaratynyn, 2016-2019 jyldarǵa arnalǵan «Densaýlyq» memlekettik baǵdarlamasyna sáıkes, QR DSÁDM keıbir fýnktsııalaryn kezeń-kezeńmen kásibı medıtsınalyq qaýymdastyqtarǵa berý medıtsınalyq qyzmet kórsetýdiń klınıkalyq jáne ekonomıkalyq tıimdiligin, sondaı-aq qaýipsizdigin qamtamasyz etý úshin qajet ekendigin, klınıkalyq hattamalar men standarttardy ázirleý boıynsha fýnktsııalardy berý úshin kásibı medıtsınalyq qaýymdastyqtardyń 204 ókili oqytylǵanyn, klınıkalyq hattamalardy ázirleý protsesine kásibı medıtsınalyq qoǵamdyq uıymdardyń 105 ókili tartylǵanyn aıtty.

Іs-shara barysynda «Respýblıkanskıı soıýz nezavısımyh ekspertov v sektore zdravoohranenııa» ZTB, «Natsıonalnaıa palata zdravoohranenııa» ZTB, «Respýblıkanskaıa medıtsınskaıa palata» QB, Kazahskaıa medıtsınskaıa assambleıasy basshylary jáne t.b. talqylanyp otyrǵan máseleler boıynsha óz pikirlerin bildirdi.

Shara qorytyndysy boıynsha medıtsınalyq qyzmet kórsetýdiń sapasyn arttyrýǵa, onyń klınıkalyq jáne ekonomıkalyq tıimdiligin barynsha qamtamasyz etýge baǵyttalǵan yntymaqtastyqty jalǵastyrý jóninde qarar jobasy qabyldandy.

Esterińizge sala keteıik, «100 naqty qadam» Ult josparynyń 82 qadamyn oryndaý maqsatynda 2015 jyldyń 30 qarashasynda Medıtsınalyq qyzmetterdiń sapasy boıynsha biriktirilgen komıssııa quryldy. Onyń quramyna memlekettik organdardyń, kásibı medıtsınalyq birlestikter ókilderi kirdi. Komıssııany qurýdaǵy negizgi maqsat - emdeý hattamalaryn, medıtsınalyq bilim berý standarttaryn jetildirý arqyly medıtsınalyq qyzmet kórsetýdiń úzdik standarttaryn engizý, dári-dármekpen qamtamasyz etý, medıtsınalyq qyzmetterdiń qoljetimdiligi men olardyń sapasyn baqylaý. Bul maqsatta Komıssııany ózin ózi retteıtin uıymǵa ózgertý jóninde Jol kartasy jasalyp, bekitildi.