QR DSÁDM qazaqstandyqtarǵa kene shaqqan jaǵdaıda medıtsınalyq uıymdarǵa júginýdi usynady
QR Ulttyq ekonomıka mınıstrligi tutynýshylardyń quqyqtaryn qorǵaý komıtetiniń málimetinshe, elimizde jyl basynan bastap KQGQ-men syrqattanýdyń 8 jaǵdaıy (OQO - 4, Jambyl oblysy - 3, Qyzylorda oblysy - 1), onyń ishinde ólimge ákelgen 2 jaǵdaı (Jambyl jáne Ońtústik Qazaqstan oblystarynda) tirkeldi.
Epıdemıologııalyq kezeńde medıtsınalyq uıymdardyń joǵaryda atalǵan óńirlerde KQGQ dıagnozy bar patsıentterdi qabyldaý daıyndyǵy qamtamasyz etildi (vırýsqa qarsy preparattar, dári-dármekter, qan, zararsyzdandyrý jáne qorǵanys plazmalary qory jasaldy). Medıtsınalyq qyzmetkerler KQGQ-ny dıagnostıkalaý, emdeý men aldyn alý boıynsha oqytyldy. Medıtsınalyq qyzmetkerler halyq arasynda aqparattyq-túsindirme jumystaryn belsendi túrde júrgizip keledi.
Kongo-qyrym gemorragııalyq qyzbasy - ólim kórsetkishi joǵary jiti juqpaly vırýstyq aýrý. Ol bezgek, aǵzanyń ýlanýy, teridegi jáne ishki aǵzalardaǵy qan quıylýmen sıpattalady. Inkýbatsııalyq kezeń 1 kúnnen 14 kúnge deıin sozylady (kóp jaǵdaıda 2-7 kún).
Adam atalǵan aýrýdy juqtyrǵan kene arqyly; aýrý juqtyrǵan maldy keneden qolmen tazalaý jáne qyrqý kezinde vırýsy bar materıal teri men shyryshty qabyqqa túsken jaǵdaıda; aýrýdy juqtyrǵan maldyń etin múshelegende; syrqattanǵan adamdarǵa medıtsınalyq kómek kórsetý jáne oǵan kútim jasaǵan kezde juqtyrady.
Búgingi tańda álemde adamdar arasynda keńinen qoldanýǵa turarlyq qaýipsiz ári tıimdi vaktsına joq. Maldardy egýge arnalǵan vaktsınalar da joq.
Adamdar arasynda KQGQ-nyń aldyn alýdyń birden bir tásili-qaýip-qater faktorlary men aýrýdy juqtyryp almaý úshin qoldanylatyn sharalar týraly halyqtyń habardarlyǵyn arttyrý; kenelerdi tez tabýǵa kómektesetin meılinshe ashyq tústi qorǵanys kıimderin kıip júrý (jeńi uzyn, balaǵy uzyn shalbarlar); kenelerdi joıý úshin ruqsat etilgen hımııalyq zattardy jáne teri men kıimderge arnalǵan repellentterdi qoldaný; kıimderdi únemi tekserip otyrý, kene tabylǵan jaǵdaıda qaýipsiz tásildermen joıý; janýarlar bólmelerinde kenege qarsy kúres júrgizý; kene kóp ornalasqan aımaqtarǵa olar belsendi bolatyn merzimde jıi barmaýǵa tyrysý; endemııalyq aımaqtarda janýarlarmen jáne olardyń terisimen jumys isteý barysynda, ásirese úı jaǵdaıynda mal soıý, ony músheleý, jaramsyz maldardy shyǵarý kezinde qolǵap, ózge de qorǵanys kıimderin kııý; KQGQ-men syrqattanǵan adamdarmen jaqyn fızıkalyq baılanysta bolmaý; syrqattanǵan adamdarǵa kútim jasaǵanda qolǵap jáne qorǵanys kıimderin kııý, olarǵa barǵannan keıin qoldy jýý.