QR DSÁDM halyqty jumyspen qamtý úshin barlyq tıisti sharalardy qolǵa alýda
«Aǵymdaǵy jyldyń basynan bastap «Jumyspen qamtý jol kartasy 2020» baǵdarlamasynyń aıasynda 82 myńǵa jýyq adam, onyń ishinde turaqty jumys oryndaryna 63 myń, ýaqytsha jumys oryndaryna 18,8 myń azamat jumysqa ornalastyryldy. 2015 jyly «JQJK 2020» baǵdarlamasynyń birinshi baǵyty boıynsha 513 jobanyń júzege asyrylýy qolǵa alynyp, onyń 151-i óz jumysyn aıaqtady. 6,6 myńnan astam adam jumysqa ornalastyryldy», dep habarlaıdy vedomstvonyń baspasóz qyzmetinen.
Ekinshi baǵyttyń aıasynda 2,2 myń adam kásipkerliktiń negizderi boıynsha oqydy. Onyń ishinde 2063 qatysýshy 4,8 mlrd. teńge somasyna nesıe aldy, onyń 1377-i tuńǵysh ret óz bıznesin ashty, 911 qaıtarylǵan qarajat esebinen shaǵyn nesıe aldy. Nesıe alýshylar qosymsha 2,5 myń jumys oryndaryn ashty.
Baǵdarlamanyń úshinshi baǵyty boıynsha 13,8 myń adam kásibı oqýmen qamtamasyz etildi, áleýmettik jumys oryndaryna 8,2 myń azamat ornalastyryldy. Jastar praktıkasyna 7,7 myń adam baǵyttaldy. Sonymen qatar 40 myń azamat memlekettik qoldaý sharalaryn paıdalanýsyz jumysqa turdy.
Sondaı-aq úshinshi baǵyt boıynsha azamattardy depressııalyq aımaqtardan áleýmettik-ekonomıkalyq áleýeti joǵary jáne ekonomıkalyq ósim ortalyqtaryna óz erkimen kóshýge yqpal etý esebinen eńbek resýrstaryn jumyldyrýdy ulǵaıtý jobalanyp otyr. Sonymen, 2015 jyly 454 adam qonys aýdardy.
Qazaqstanda azamattardy «JQJK 2020» jobasyna tartý maqsatynda baǵdarlamaǵa qatysý máseleleri boıynsha aqparattyq-túsindirý jumystary júrgizilýde. Aǵymdaǵy jyldyń naýryz-tamyz aılarynda jumyldyrý toptary 620 aýyldyq eldi mekenderge bardy. Jumyssyz jáne ózdiginen jumyspen qamtamasyz etilgen 93,6 myń azamattar túsindirý jumystaryna qatysty. Qazirgi tańda 21 myńnan astam aýyl turǵyndary «JQJK 2020» baǵdarlamasyna qatysýǵa ótinish bildirdi.
Esterińizge sala keteıik, «Jumyspen qamtý jol kartasy-2020» baǵdarlamasy júzege asyryla bastaǵannan beri 461 myń adam jumyspen qamtýdyń belsendi sharalaryna qatysty. Onyń 60%-y - jumyssyzdar, 30%-dan astamy ózdiginen jumyspen qamtylǵandar jáne 9%-ǵa jýyǵy eńbekke jaramdy az qamtylǵan azamattar.
Bıyl baǵdarlamany júzege asyrýǵa 37,3 mlrd. teńge (2014 j. - 94,3 mlrd. teńge, 2013 j. - 102,9 mlrd. teńge, 2012 j. - 57,6 mlrd. teńge) qarastyrylyp otyr.