QR DSÁDM eńbekti qorǵaý boıynsha keshendi jospar ázirleýde

ASTANA. QazAqparat - QR Densaýlyq saqtaý jáne áleýmettik damý mınıstrligi Qazaqstanda eńbekti qorǵaýdy qamtamasyz etý boıynsha Keshendi jospardy ázirleýde, dep málimdedi búgin QR densaýlyq saqtaý jáne áleýmettik damý vıtse-mınıstri Dáýlet Arǵandyqov KIOSH-2015 eńbekti qorǵaý boıynsha V halyqaralyq konferentsııasynda.

«Memleket basshysynyń tapsyrmasy boıynsha bizdiń mınıstrlik 2016-2020 jyldarǵa arnalǵan Densaýlyq saqtaýdy damytý memlekettik baǵdarlamasyn ázirleýde. Onda qorshaǵan ónerkásiptik ortanyń halyq densaýlyǵyna áserin tómendetýge, jumys berýshiniń qyzmetkerlerdiń salaýatty ómir saltyn ustanýyna yntalandyrý qalyptastyrýyna baǵyttalǵan erejeler bolady. Sondaı-aq, Úkimettiń tapsyrmasy boıynsha DSÁDM men áleýmettik seriktestikter eńbekti qorǵaýdy qamtamasyz etý boıynsha Keshendi jospar ázirleýde», - dedi D.Arǵandyqov.

Ol konferentsııanyń Dúnıejúzilik eńbekti qorǵaý kúnine arnalǵanyn, ol Halyqaralyq eńbek uıymynyń bastamasy boıynsha 2003 jyldan bastap jyl saıyn 28 sáýirde atap ótilip kele jatqanyn aıtty.

«Dúnıejúzilik eńbekti qorǵaý kúniniń taqyryby osy máseleniń aýqymdylyǵyna qoǵam nazaryn tartý ekekndigin taǵy da dáleldeıdi. Eńbekti qorǵaý mádenıetin qurý jáne súıemeldeý jumys oryndaryndaǵy baqytsyz jaǵdaılar men ólim-jitim sanyn azaıtýǵa kómektesedi», - dep tolyqtyrdy vıtse-mınıstr.

Ol QR Úkimeti qyzmetiniń basymdyqtarynyń biri eńbekti qorǵaý salasyndaǵy qaýip-qaterdi basqarýdyń tıimdi strategııasyn júrgizý bolyp tabylady, bul áleýmettik seriktesterdiń kúshterin biriktirýge kómektesetinin basa aıtty.

Atalǵan mindetterdi oryndaý eńbek qaýipsizdigi jáne eńbekti qorǵaý salasyndaǵy memlekettik retteý jáne zańnamany saqtaýdy baqylaý, basqarýdyń tıimdi júıesin qurý arqyly júzege asyrylady, dep jazady primeminister.kz.