QR DSÁDM Aqparattyq-anyqtama ortalyǵy 2015 jyly 334 myńnan astam qazaqstandyqtarǵa qyzmet kórsetti
2015 jyly QR Densaýlyq saqtaý jáne áleýmettik damý mınıstrliginiń biregeı aqparattyq-anyqtama ortalyǵyna 334 myń 083 azamat habarlasqan, onyń ishinde telefonmen qońyraý shalǵandar - 284 myń 970, bos jumys orny týraly SMS-habarlama jibergender - 34 myń 360-ty qurasa, e-mail, web-, wap-portal arqyly 14 myń 753 habarlama túsken. Barlyq habarlamalar boıynsha qazaqstandyqtarǵa onlaın rejımde tolyq jaýap berildi.
Aqparattyq-anyqtama ortalyǵy 2011 jyldan beri Zeınetaqy tóleý jónindegi memlekettik ortalyq bazasynda jumys istep keledi. Azamattar 1411 telefon nómirine tegin habarlasyp, áleýmettik qamsyzdandyrý jáne saqtandyrý, eńbek qatynastary, halyqty jumyspen qamtý, zeınetaqymen qamtamasyz etý máselelerine qatysty suraqtaryna jaýap ala alady.
Sonymen qatar, bıylǵy jyldan bastap atalǵan servıs arqyly múgedek balalardy tárbıelep otyrǵan azamattarǵa onlaın-konsýltatsııa qyzmeti kórsetilip keledi.
Sondaı-aq, qazaqstandyqtar 1411 nómiri boıynsha Zeınetaqy tóleý jónindegi memlekettik ortalyq mekemesiniń jumysyna qatysty shaǵymdaryn bildire alady.
Ortalyqqa respýblıka aýmaǵynda jumys isteıtin barlyq abonenttik nómirler men uıaly baılanys túrlerinen tegin qońyraý shalýǵa bolady.
Keńes alýmen qatar, áleýmettik-eńbek salasy máseleleri boıynsha kelesi rette aqparattyq-anyqtamalyq qyzmetter kórsetiledi: e-mail: info@info.mintrud.kz; web-portal: www.info.mintrud.kz (ǵalamtor arqyly); wap-portal: wap.info.mintrud.kz (uıaly telefonnan).
Sondaı-aq, 1411 nómirine SMS-habarlama jiberip, tıisti eldi mekendegi bos jumys oryndary týraly málimet alýǵa bolady. Suranym jiberilgennen keıin uıaly telefonǵa kórsetilgen mamandyq boıynsha bos jumys orny bar jumys berýshilerdiń baılanys málimetteri kórsetilgen habarlama keledi. SMS-habarlama formaty: *jumys*qala kody*mamandyq#. Mysaly, *jumys*7172*kólik júrgizýshi#.