QR dıplomattary Mońǵolııadaǵy fýtbol týrnırinde birinshi oryndy enshiledi
BEIJІŃ-ULAN-BATYR. QazAqparat - 18 maýsym kúni Ulan-batyrda dıplomatııalyq korpýs pen halyqaralyq uıymdar ókilderi arasyndaǵy fýtboldan Mońǵolııada jyl saıynǵy joldastyq matchy ótti, dep habarlaıdy «QazAqparat» HAA-nyń Qytaıdaǵy menshikti tilshisi.
Oǵan 16 komanda qatysty: Qazaqstan, Túrkııa, Japonııa, Aýstralııa, Vengrııa, BUU, Azııa damý banki (ADB), Reseı, Ońtústik Koreıa, Laos jáne t.b.
Oıynda birinshi oryndy Qazaqstannyń Mońǵolııadaǵy elshiliginiń qurama komandasy jeńip aldy, olar aqtyq synda Túrkııa elshiliginiń komandasyn penaltı boıynsha utty. Úshinshi oryndy Birikken Ulttar Uıymy ókildiginiń quramasy ıelendi.
Qazaqstannyń Mońǵolııadaǵy elshisi Qalybek Qoblandın týrnırdiń kýbogyn alyp jatyp, bul jeńisti Qazaqstannyń dıplomatııalyq qyzmetiniń 25 jyldyǵyna arnalatyndyǵyn atap ótti. 
