QR Din isteri jáne azamattyq qoǵam vıtse-mınıstri taǵaıyndaldy
Bul týraly QR Din isteri jáne azamattyq qoǵam mınıstrligi Din isteri komıtetiniń baspasóz qyzmetinen habarlady.
Aryn Berik Saqbaıuly 1969 jyldyń 5 maýsymynda dúnıege keldi.
1994 jyly Ál-Farabı atyndaǵy Qazaq ulttyq ýnıversıtetiniń «Fılologııa» mamandyǵyn, 2007 jyly Qazaq memlekettik zań ýnıversıtetiniń «Quqyqtaný» mamandyǵyn támamdaǵan.
Eńbek jolyn 1994 jyly Qazaqstan Respýblıkasynyń Syrtqy ister mınıstrligi Orta, Taıaý Shyǵys jáne Afrıka basqarmasynyń referenti laýazymynan bastady.
1994 - 1995 jyldar aralyǵynda Qazaqstan Respýblıkasynyń Syrtqy ister mınıstrligi Orta, Taıaý Shyǵys jáne Afrıka basqarmasynyń attashesi laýazymyn atqardy.
1996 - 2001 jyldar aralyǵynda Qazaqstan Respýblıkasynyń Saýd Arabııasy Koroldigindegi Elshiliginiń attashesi, úshinshi hatshysy, ekinshi hatshysy, birinshi hatshysy laýazymdarynda jumys atqardy.
2001 - 2002 jyldar aralyǵynda Qazaqstan Respýblıkasynyń Syrtqy ister mınıstrligi Ekijaqty yntymaqtastyq departamentiniń bólim bastyǵy.
2002 jyldyń naýryzynan qyrkúıegine deıin Qazaqstan Respýblıkasynyń Syrtqy ister mınıstrligi Azııa, Taıaý Shyǵys jáne Afrıka departamentiniń bólim bastyǵy.
2002 - 2006 jyldar aralyǵynda Qazaqstan Respýblıkasynyń Egıpet Arab Respýblıkasyndaǵy Elshiliginiń keńesshisi.
2006 - 2007 jyldar aralyǵynda Qazaqstan Respýblıkasy Prezıdentiniń Ákimshiligi Syrtqy saıasat ortalyǵynyń bas ınspektory.
2007 - 2009 jyldar aralyǵynda Qazaqstan Respýblıkasy Parlamentiniń Senaty Parlamentaralyq baılanystar jáne halyqaralyq yntymaqtastyq bóliminiń meńgerýshisi.
2009 - 2011 jyldar aralyǵynda Qazaqstan Respýblıkasy Parlamentiniń Senaty Apparaty basshysynyń orynbasary. Osy qyzmette Álemdik jáne dástúrli dinder lıderleri seziniń uıymdastyrýshylyq suraqtaryna jaýapty boldy.
2011 jylǵy jeltoqsannan bastap Qazaqstan Respýblıkasynyń Egıpet Arab Respýblıkasyndaǵy Tótenshe jáne Ókiletti Elshisi, 2012 jylǵy aqpannan Arab Memleketteri Lıgasy janyndaǵy Qazaqstan Respýblıkasynyń Turaqty Ókili, 2012 jylǵy mamyrdan Qazaqstan Respýblıkasynyń Marokko Koroldigindegi, 2015 jylǵy sáýirden Aljır Halyq Demokratııalyq Respýblıkasyndaǵy, Týnıs Respýblıkasyndaǵy Tótenshe jáne Ókiletti Elshisi qyzmetin qosa atqarady.
2015 jylǵy maýsym aıynda ІІ synypty Tótenshe jáne Ókiletti Ýákil dıplomatııalyq dárejesi berilgen.
2016 jylǵy 25 qazanda Aryn Berik Saqbaıuly Qazaqstan Respýblıkasy Din isteri jáne azamattyq qoǵam vıtse-mınıstri bolyp taǵaıyndaldy.
