QR Din isteri agenttiginiń derbes saıtynda qyzmetterine tyıym salynǵan dinı uıymdardyń tizimderi jarııalandy
ASTANA. 9 qańtar. QazAqparat - Búgin QR Din isteri agenttiginiń www.din.gov.kz resmı saıty óz qyzmetin bastady, dep habarlaıdy vedomstvonyń baspasóz qyzmeti.
Agenttiktiń aqparattyq portalynda Qazaqstan aýmaǵynda qyzmetterine tyıym salynǵan lańkestik jáne ekstremıstik, okkýltti-mıstıkalyq dinı uıymdardyń tizimderi, sonymen qatar, sot sheshimine sáıkes tyıym salynǵan dinı ádebıetterge qatysty aqparattar ornalastyrylǵan.
Saıttan respýblıkalyq mańyzdaǵy oblystar men qalalardaǵy dinı ahýaldar týraly maǵlumattardy alýǵa bolady.
«Sonymen qatar, Agenttiktiń aýmaqtyq departamentteri men onyń qaramaǵyndaǵy uıymdardyń baılanys málimetteri, turǵyndardan kelip túsken saýaldar men olarǵa berilgen jaýaptar ornalastyrylyp, Agenttik pen azamattardyń ózara baılanysyn kúsheıtý maqsatynda ashylǵan senim telefony men azamattardy qabyldaý kestesi berilgen», - delingen habarlamada.
Saıttyń «Memleket jáne din» jýrnalynyń elektrondy nusqasymen jáne din salasyndaǵy barlyq normatıvti-quqyqtyq aktilerden turatyn quqyqtyq bazamen tolyqtyrylýy - onyń mańyzdylyǵyn arttyra túspek.
