QR Densaýlyq saqtaý mınıstrliginiń habarlamasy
ASTANA. 12 sáýir. QazAqparat - Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti Keden odaǵy sheńberinde memlekettik sanıtarııalyq-epıdemıologııalyq qadaǵalaýǵa jatatyn taýarlardy (ónimderdi) memlekettik tirkeý boıynsha ótkiziletin jumys týraly habardar etti.
Memlekettik tirkeýge kelip túsetin ótinishterdi qaraý rásimderin ońtaılandyrý maqsatynda usynylǵan qujattardy qabyldaý, saraptaý júrgizý fýnktsııalary Komıtettiń oblystar, Astana men Almaty qalalarynyń aýmaqtyq bólimshelerine berildi.
Komıtetke 2011 jylǵy 1 qańtardan bastap 11 sáýir aralyǵynda taýarlardy memlekettik tirkeý týraly kýálik alýǵa syrtqy ekonomıkalyq qyzmetke qatysýshylardan barlyǵy 980 ótinishi kelip tústi. 793 ótinish belgilengen merzimde qaraldy (kúntizbelik 30 kúnge deıin) jáne memlekettik tirkeý týraly 5870 kýálik berildi.
Qazirgi ýaqytta aǵymdaǵy jylǵy 4 sáýirden bastap berilgen 187 ótinish qaralýda. Bul týraly mınıstrliktiń baspasóz qyzmetinen habarlady.
