QR Densaýlyq saqtaý mınıstrligine 2011 jyly kelip túsken shaǵymdardyń 13,2 paıyzy jemqorlyq faktilerine qatysty
ASTANA. 2 qyrkúıek. QazAqparat - Búgin QR Densaýlyq saqtaý mınıstrligi Naýqastardyń quqyqtaryn qorǵaý boıynsha qoǵamdyq keńespen selektorlyq rejimde jınalys ótkizdi.
Keńes barysynda mınıstrlik mamandary jeke jáne zańdy tulǵalardan vedomstvoǵa jáne mınıstrdiń blogyna kelip túsken shaǵymdaryna júrgizgen monıtorıngtiń nátıjesi qaraldy.
Máselen, mınıstrliktiń taratqan málimetterine sáıkes, 2011 jyly qoǵamdyq qabyldaýǵa telefon arqyly habarlasqandardyń jáne blogqa hat jazǵandardyń sany artqan. Shaǵymdardyń qurylymynda sybaılas jemqorlyq faktileri týraly aqparattardyń sany artyp otyr. 2010 jyly barlyq shaǵymdardyń 4,65 paıyzyn, 2011 jyly 13,2 paıyzyn qurady.
2011 jyly jeke jáne zańdy tulǵalardyń hattary negizinde Densaýlyq saqtaý mınıstrligi quqyq qorǵaý organdaryna 300-den astam materıaldy jiberdi.
Keńes barysynda ótap ótilgendeı, hattar sanynyń kóbeııýi halyqpen jergilikti jerde durys jumys jasalmaıtyndyǵynan bolyp otyr. Keńes sońynda naýqastardyń quqyqtaryn qorǵaý boıynsha óńirlik shtabtardyń jumysyn kúsheıtý usynyldy. Naýqastardyń quqyqtaryn qorǵaý boıynsha keńestiń keńeıtilgen otyrysyn aǵymdaǵy jyldyń qyrkúıeginde ótkizý josparlanýda.
