QR Densaýlyq saqtaý mınıstrliginde onkologııalyq qyzmet máseleleri talqylandy
ASTANA. 9 qyrkúıek. QazAqparat - Qazaqstan Respýblıkasynyń Densaýlyq saqtaý mınıstrliginde Mınıstr S. Qaıyrbekovanyń tóraǵalyǵymen selektorlyq rejimde onkologııalyq qyzmet máselelerine arnalǵan jıyn ótti. Bul týraly QR Densaýlyq saqtaý mınıstrliginiń baspasóz qyzmetinen habarlady. Keńeske oblystardyń, Astana jáne Almaty qalalarynyń densaýlyq saqtaý basqarmalary, oblystyq onkologııalyq dıspanserlerdiń bas dárigerleri qatysty.
Jıynda elimizdiń onkologııalyq qyzmeti, Ǵalamdyq bıýdjet qaǵıdasy boıynsha tólemaqy júıesin engizý máseleleri talqylandy.
Barlyq deńgeıde dárimen qamtamasyz etýge ketetin shyǵyndy qosa alǵanda naýqas úshin aqy tóleýdi qarastyratyn Ǵalamdyq bıýdjet júıesin engizýdegi maqsat - qaterli isik aýrýlaryna shaldyqqan naýqastardyń ómir sapasyn jaqsartý.
Selektorlyq keńes barysynda Mınıstr Salıdat Qaıyrbekova onkologııalyq qyzmet jetekshileri tarapynan menedjmentti kóterý, naýqastardyń medıtsınalyq qyzmetke qanaǵattanýshylyǵyn arttyrý, olardy dári-dármekpen jetkilikti qamtamasyz etý jóninde naqty tapsyrmalar júktedi. Bul is-sharalardyń barlyǵy naýqastardy erte satysynda anyqtaýǵa jáne olardyń ómir súrý jasyn arttyrýǵa múmkindik beredi.
