QR Densaýlyq saqtaý mınıstrliginde densaýlyq saqtaý salasyna eleýli úles qosqan medıtsına qyzmetkerleri marapattaldy
QR Densaýlyq saqtaý mınıstri S. Qaıyrbekova úzdik medıtsına qyzmetkerlerine «Parasat», «Qurmet», ordenderi men «Eren eńbegi úshin», «Shapaǵat» medaldaryn, sondaı-aq QR Qurmet Gramotalaryn tabys etti.
Asa aýyr naýqastarǵa qaıtys bolǵan anasynyń júregi men búıregin alyp salýǵa kelisim bergen Igor Vorotnıkov «Densaýlyq saqtaý isine qosqan úlesi úshin» tósbelgisimen marapattaldy.
QR Densaýlyq saqtaý mınıstri S. Qaıyrbekova «Salamatty Qazaqstan» memlekettik baǵdarlamasyn iske asyrý sheńberinde densaýlyq saqtaý júıesi sapaly damyp, halyqtyń densaýlyǵynyń kórsetkishteri serpindi ósip kele jatqandyǵyn atap ótti. Kemik maıy, búırek, baýyr jáne júrek transplantatsııasy sııaqty medıtsınalyq qyzmetkerlerdiń joǵary biliktiligi jáne eń ozyq medıtsınalyq quralǵylardy talap etetin medıtsınalyq tehnologııalar engizilýde. Qazaqstanda týysqandyq transplantatsııa damyp keledi. Ata-anasynyń balalaryna, ápkesiniń inisine, áıeliniń jubaıyna donor bolǵan jarqyn mysaldar bar. Búgingi kúni Qazaqstan barlyq ishki organdardy transplantatsııalaýǵa tolyqtaı daıyn. Ol úshin qýatty kadrlyq, zııatkerlik, ǵylymı jáne resýrstyq áleýet bar, jaqsy materıaldyq-tehnıkalyq baza qalyptastyryldy.
Biraq, transplantatsııa salasy qoǵamnyń qatysýynsyz damymaıdy. Osy turǵydan mınıstr Ulttyq kardıohırýrgııa ǵylymı ortalyǵynyń patsıenti Jánibek Ospanovqa jáne Ulttyq jedel medıtsınalyq járdem ǵylymı ortalyǵynyń patsıenti Evgenıı Kýrtsqa anasynyń organdaryn alýǵa kelisim bergen Igor Vorotnıkovtyń batyl is-áreketi úshin taǵy da alǵysyn bildirdi. Onyń azamattyq ustanymy bizdiń kóptegen otandastarymyzǵa úlgi bolmaq. Osy oraıda Igor Vorotnıkov «Densaýlyq saqtaý isine qosqan úlesi úshin» tósbelgisimen marapattaldy.
Sonymen qatar, saltanatty jıynda medıtsına qyzmetkerlerine vedomstvolyq marapattaýlar tabystalyp, merekelik kontsert uıymdastyryldy.
