QR Densaýlyq saqtaý mınıstrligi Túrkııaǵa demalýǵa baratyn el azamattaryna gepatıtten abaı bolýdy eskertedi
ASTANA. Maýsymnyń 1-i. QazAqparat /Marlan Jıembaı/ - QR Densaýlyq saqtaý mınıstrligi Túrkııaǵa demalýǵa baratyn el azamattaryna gepatıtten abaı bolýdy eskertedi. Sebebi sońǵy ýaqytta atalǵan elde gepatıt vırýsyna shaldyqqandar sany jıi tirkelip otyr.
Bul týraly búgin QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraǵasy Keńes Ospanov BAQ ókilderimen bolǵan baspasóz máslıhaty barysynda málim etti.
Dúnıejúzilik densaýlyq saqtaý uıymynyń resmı málimetteri boıynsha, qazirgi ýaqytta Túrkııada gepatıt vırýsyna shaldyqandardyń kóbeıip otyrǵandyǵyn atap ótken K.Ospanov « bizdiń saparlaýshylarymyz bul jaıynda mindetti túrde bilýleri ári jeke gıgıena sharalaryn saqtaýy qajet», deıdi.
Sonymen qatar onyń atap ótýinshe, Qazaqstanda joq alaıda Afrıka, Ońtústik Amerıka elderinde kezdesetin denge bezgeginiń de elimizge qaýipi barlyǵyn jasyrmady. Bul aýrýǵa ótken jyldyń ishinde 50 mıllıon adam shaldyǵyp, onyń 20 myńy qaıtys bolǵan. Olardyń arasynda Indonezııaǵa, Taılandqa baryp demalǵan kórshi Reseıdiń de azamattary bar. «ıAǵnı Qazaqstanǵa da osy asa sırek kezdesetin, adamnyń ólimine alyp keletin aýrýar kelýi múmkin», dedi.
Qazirgi ýaqytta Úndistan, Pákistan, Sıngapýr, Malaızııa elderinde de tyrysqaq aýrýy jıi tirkelýde. Sondaı-aq bezgek aýrýy da óte qaýipti. Máselen, jyl saıyn osy aýrýǵa dýshar bolǵan 300 mıllıon adamnyń 1 mıllıony qaza bolýda. Bul aýrýmen bezgek masasy kezdesetin tropıkalyq elderdiń adamdary qaıtys bolatyndyǵyn aıtqan M.Ospanov «Bul problema bizdiń kórshi elder - Ázirbaıjan men Qyrǵyzstanda da bar. Atalǵan elderden keletin mıgranttar bezgek aýrýyn tasymaldaýshy bolýy múmkin», deıdi.
Memlekettik sanıtarlyq-epıdemıologııalyq qadaǵalaý komıtetiniń tóraǵasy respýblıkadan tysqary shyǵatyn azamattarǵa aýdandyq, oblystyq, respýblıkalyq deńgeıdegi sanıtarlyq-epıdemıologııalyq qadaǵalaý organdaryna kelip aqyl-keńes alýǵa keńes berdi.
