QR Densaýlyq saqtaý mınıstrligi shtattan tys mamandar ınstıtýtynyń jumysyn jańartýda
Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.
«2021 jylǵy 8 sáýirdegi №196 buıryǵymen «Úılestirý men ádistemelik basshylyqtyń keıbir máseleleri týraly» Qazaqstan Respýblıkasy Densaýlyq saqtaý mınıstrliginiń shtattan tys mamandar ınstıtýty qaıta jańartyldy. Bas shtattan tys mamandar ınstıtýty Densaýlyq saqtaý júıesinde burynnan beri jumys istep keledi», - dedi Densaýlyq saqtaý mınıstri Alekseı Tsoı.
Shtattan tys mamandarmen kezdesýde vedomstvo basshysy olardyń beıindi qyzmetterdiń jumysyn úılestirýdegi, aýrýlardyń aldyn alý men erte dıagnostıkalaýǵa baǵyttalǵan is-sharalardy ázirleýdegi jáne ótkizýge qatysýdaǵy, klınıkalyq hattamalardy, medıtsınalyq kómekti uıymdastyrý standarttaryn, ádistemelik usynymdardy ázirleýdegi rólin atap ótti.
Álemdegi jáne Qazaqstandaǵy epıdemıologııalyq jaǵdaı halyqtyń densaýlyǵyn saqtaý úshin barlyq densaýlyq saqtaý mamandaryn shoǵyrlandyrý qajettiligin aldyn-ala anyqtady. Salada reforma júrgizýde úlken jaýapkershilik júkteletin ınstıtýtty jańartý men damytý tıimdi tetikterdiń biri bolýǵa tıis.
Densaýlyq saqtaý vıtse-mınıstri Ajar Ǵınııat óz kezeginde mınıstrliktiń ózara yntymaqtastyq pen birlesken jemisti jumysqa úlken úmit artatynyn atap ótti.
Shtattan tys mamandar jetekshilik etetin beıindi qyzmettiń jumysyn úılestirýge jáne monıtorıngileýge, medıtsınanyń tıisti beıindi baǵytyn damytý jónindegi strategııalyq qujattardy, onyń ishinde ulttyq jobalardy, keshendi josparlardy, jol kartalaryn, beıindi qyzmet jónindegi is-sharalar josparlaryn ázirleýge, QR DSM medıtsınalyq kórsetiletin qyzmetterdiń sapasy jónindegi birikken komıssııasynyń otyrystaryna, bes nozologııa boıynsha Úılestirý keńesteriniń otyrystaryna jáne medıtsınanyń jetekshilik etetin baǵyty boıynsha medıtsınalyq kómek kórsetýdi uıymdastyrý máseleleri boıynsha basqa da keńesterge qatysady dep boljanýda.
«Siz beıindi qyzmettiń jetistikteri boıynsha da, problemalyq máseleler boıynsha da, ozyq halyqaralyq tájirıbe negizinde QR halqyna medıtsınalyq kómektiń sapasyn, tıimdiligin jáne qoljetimdiligin arttyrýǵa baǵyttalǵan onyń qyzmetin jaqsartý boıynsha usynystarmen birge taldamalyq aqparatty daıyndaýǵa qatysasyz dep úmittenemiz. Sizge nátıjeli jumys jáne medıtsınadaǵy jetekshilik etetin baǵyttyń odan ári damýyn tileımiz!», - dep túıindedi A.Gınııat.
Instıtýt quramyna 62 baǵyt boıynsha mamandar engizildi, onyń ishinde endokrınologııa, kardıologııa jáne kardıohırýrgııa, akýsherııa jáne gınekologııa, neonatologııa, pedıatrııa, psıhıatrııa, eresekter men balalar allergologııasy jáne ımmýnologııa, angıohırýrgııa, gastroenterologııa, gematologııa, gerontologııa, dermatologııa jáne venerologııa, nefrologııa, nevrologııa, pýlmonologııa, ftızıatrııa, onkologııa, otorınolarıngologııa, oftalmologııa, stomatologııa, travmatologııa, ýrologııa jáne t. b.
Shtattan tys mamandar ınstıtýty QR DSM «Úılestirý men ádistemelik basshylyqtyń keıbir máseleleri týraly» 2021 jylǵy 8 sáýirdegi №196 buıryǵy negizinde jumysyn qaıta bastady.
