QR Densaýlyq saqtaý mınıstrligi «S» gepatıtin juqtyrǵan onkologııalyq aýrýmen naýqas balalar ata-analarynyń bastamashyl tobynyń úndeýi boıynsha habarlama jasady

1) 2010 jylǵy 22 qańtarda «Medıtsınalyq uıymdarda ınfektsııalyq aýrýlardy juqtyrýdyń aldyn alý boıynsha sharalardy kúsheıtý týraly» Densaýlyq saqtaý mınıstrliginiń № 35 buıryǵy bekitildi;

2) 2010 jylǵy 1 shildege deıin barlyq qan ortalyqtary vırýsınaktıvatorlarmen jáne vırýsty gepatıtterdiń PTsR- dıagnostıkasyna arnalǵan qondyrǵylarmen jaraqtandyrylady (qarjy kózderi eskerilgen);

3) 2010 jylǵy 15 aqpanǵa deıin «V» jáne «S» vırýsty gepatıtteriniń dıagnostıkasy jáne em júrgizý algorıtmderi ázirlenedi (naýqastardy emdeýdiń klınıkalyq, uıymdastyrý, taktıkalyq aspektileri). Onyń ishinde «V» jáne «S» vırýsty gepatıtterimen aýyrǵan naýqastardy emdeý jáne dıspanserlik baqylaý ınfektsııalyq aýrýhanalar (bólimsheler) bazasynda júzege asyrylatyny týraly sheshim qabyldandy;

4) 2010 jylǵy 20 qańtardan bastap gemablastozben aýyratyn eresek naýqastardy emdeý úshin «Qazaq onkologııa jáne radıologııa ǵylymı- zertteý ınstıtýty» RMKK- da 30 tósek-oryndyq bólimshe ashyldy;

5) 2010 jyldyń birinshi jartyjyldyǵynda leıkoz aýrýyn emdeý úshin «Pedıatrııa jáne balalar hırýrgııasy ulttyq ortalyǵy» RMKK-da (budan ári - PBHUO) tósek-oryndar sanyn 60-tan 80- ge deıin kóbeıtý jáne 2010 jylǵy 1 shildeden bastap gemablastozben aýyratyn naýqas balalar úshin súıek kemigin transplantattaý bólimshesin ashý josparlanyp otyr. Osyǵan baılanysty Mınıstrlik Astana qalasynda «Ulttyq ana men bala ǵylymı ortalyǵy» AQ bazasynda onkogematologııalyq bólimshe ashý qajet emes dep esepteıdi, óıtkeni Astana qalasynda esepte leıkemııamen aýyratyn 5 bala tirkelgen. Qabyldanǵan sharalar medıtsınalyq qyzmetterdiń osy túrin kórsetý qajettiligin tolyǵymen qamtamasyz etedi. Jáne de onkogematologtıalyq aýrýlardyń bul túrleriniń dıagnostıkasy men emdeýin respýblıka boıynsha qoldanylatyn biregeı tásildi eskerý qajet.

6) gemablastozben aýyratyn balalardy dárilermen qosymsha qamtamasyz etý máselesi sheshildi. Osy sanattaǵy naýqastardan dárilik zattardyń bolmaýyna Densaýlyq saqtaý mınıstrligine shaǵym kelip túsken joq.

7) «V» jáne «S» vırýsty gepatıtterimen naýqas balalardy emdeý úshin kezeń-kezeńimen bir ortalyqtan dárilik zattar satyp alý máselesi sheshildi (2010 jyly- balalar úshin, 2011 jyly- eresek naýqastar úshin). Vırýske qarsy negizgi Roferon preparatyn (ınterferon) «Farmatsııa» SQ satyp aldy, óńirlik ınfektsııalyq aýrýhanalardyń jáne PBHUO ótinimderi boıynsha jaqyn arada jetkizetin bolady. Vırýske qarsy basqa Rebetol preparaty «Hoffman lıa Rosh» kompanııasymen kelisim negizinde tegin jetkiziletin bolady. 18 jasqa deıingi balalarǵa pıgıldenegen ınterferondardy qoldanýǵa bolmaıtyn jaǵdaılar, qarsy kórsetimder eskerile otyryp, bul dári- dármekter satyp alynbaıdy.

8) Almaty qalasyndaǵy № 2 qalalyq aýrýhananyń bazasynda leıkemııamen aýyratyn balalarǵa medıtsınalyq qyzmet kórsetý úshin dıspanserlik kabınet jáne kúndizgi statsıonar ashyldy, osynda bul balalar tegin emdeledi.

9) PBHUO bazasynda naýqas balalarǵa barlyq tekserýler (bıohımııalyq, gematologııalyq) tegin júrgiziledi.

Qazirgi kezeńde Almaty qalasynyń prokýratýrasy balalardyń «S» vırýsty gepatıtin juqtyrý sebepterin anyqtaý boıynsha PBHUO qosymsha tekserý júrgize bastaǵanyn qosymsha habarlaımyz.