QR Densaýlyq saqtaý mınıstrligi OQO-da balada polıomıelıttiń ákelingen jaǵdaıynyń tirkelgeni jóninde habarlaıdy

dep habarlaıdy atalmysh vedomstvonyń baspasóz qyzmeti.

"TMD elderindegi epıdemıologııalyq jaǵdaıdy jáne Ońtústik Qazaqstan oblysynda polıomıelıttiń ákelingen jaǵdaıynyń tirkelýin eskere otyryp, qazirgi ýaqytta Mınıstrlik respýblıkada polıomıelıttiń taralýynyń aldyn alý maqsatynda qosymsha is-sharalardy iske asyrýda. DDU-nyń usynymdary boıynsha aǵymdaǵy jylǵy qazannyń 12-sinen bastap 14-ine deıingi kezeńde Ońtústik Qazaqstan oblysynyń Ózbekstanmen shekaralas aýdandarynda 6 jastan 15 jasqa deıingi balalarǵa polıomıelıtke qarsy vaktsınatsııalaý júrgizý josparlanýda. Budan basqa Mınıstrlik BUU-nyń Balalar qorymen (ıÝNISEF) jáne DDU-men respýblıkanyń shekara boıyndaǵy óńirlerinde - Almaty, Jambyl, Qyzylorda, Mańǵystaý, Ońtústik Qazaqstan oblystarynda jáne Almaty qalasynda týylǵanynan bastap 15 jasqa deıingi balalardy ımmýndaý úshin polıomıelıt vaktsınasynyń qosymsha kólemin bólý týraly kelisimge qol jetkizdi. Immýndaýdy aǵymdaǵy jylǵy qarashanyń birinshi onkúndiginde ótkizý josparlanýda. Immýndaý naýqany barysynda týylǵanynan bastap 15 jasqa deıingi 2 mıllıon balany polıomıelıtke qarsy egý josparlanýda", delingen búgingi taratylǵan habarlamada. .

Baspasóz qyzmetiniń málimetinshe, Ońtústik Qazaqstan oblysynda 2010 jylǵy qazannyń 8-inen bastap Qazaqstan Respýblıkasynyń Bas memlekettik sanıtarlyq dárigeriniń basshylyǵymen, quramynda epıdemıolog, ınfektsıonıst jáne nevropatolog bar Mınıstrliktiń Memlekettik sanıtarlyq-epıdemıologııalyq qadaǵalaý komıtetiniń brıgadasy jumys jasaýda.

Osy vedomstvo usynǵan málimetterine súınesek, Dúnıejúzilik densaýlyq saqtaý uıymynyń (DDU) aqparaty boıynsha, qazirgi ýaqytta Tájikstanda - 458, Reseı Federatsııasynda 12 oqıǵa tirkeldi. "Qazaqstan Respýblıkasy Densaýlyq saqtaý mınıstrligi aǵymdaǵy jyldyń mamyr aıynan bastap respýblıkada polıomıelıttiń taralýyn boldyrmaý boıynsha júıeli sharalar qabyldaǵanyn aıta ketken jón: polıomıelıttiń paıda bolýy (ákelinýi) men taralýynyń aldyn alý boıynsha Qazaqstan Respýblıkasynyń densaýlyq saqtaý organdary men uıymdarynyń qyzmetin úılestirý jónindegi shtab quryldy jáne jumys jasaýda. Qazaqstan Respýblıkasynyń aýmaǵyna polıomıelıttiń ákelinýiniń, paıda bolýynyń jáne taralýynyń aldyn alý boıynsha sanıtarııalyq-epıdemııaǵa qarsy (profılaktıkalyq) is-sharalardy kúsheıtý jóninde is-sharalar jospary iske asyrylýda. Memlekettik shekara arqyly ótkizý pýnktterinde sanıtarııalyq-karantındik baqylaý kúsheıtildi. Respýblıkadaǵy jiti enjar paralıchke epıdemııalyq qadaǵalaý júıesi jolǵa qoıyldy, vırýstyq ınfektsııalardy baqylaý jónindegi ulttyq referens-zerthana polıomıelıtke zertteýler júrgizýge daıyn. Halyqpen polıomıelıt máseleleri boıynsha sanıtarııalyq-túsindirý jumystary jandandy. 2010 jylǵy qyrkúıektiń 6-synan bastap 10-yna deıin 6 jasqa deıingi balalardy qosymsha bir rettik jappaı ımmýndaý ótkizildi.Densaýlyq saqtaý mınıstrligi respýblıkada polıomelıttiń taralýyn boldyrmaý jónindegi sharalardy qabyldaǵany nátıjesinde baılanysta bolǵan balalar arasynda polıomelıttiń aldyn alýǵa múmkindik boldy Dúnıejúzilik densaýlyq saqtaý uıymy polıomıelıtti qadaǵalaý boıynsha elde júrgizilip jatqan is-sharalardy joǵary baǵalady", delingen baspasóz habarlamasynda.