QR Densaýlyq saqtaý mınıstrligi medıtsınalyq uıymdardaǵy esepke alý qujattaryn 32%-ǵa qysqartty

ASTANA. QazAqparat - Elimizdiń medıtsınalyq uıymdarynda avtomattandyrylǵan jumys orny bolǵan jaǵdaıda medıtsınalyq qyzmetkerler júktemesin ári qaraı azaıtý men ýaqytyn tıimdi paıdalaný maqsatynda, QR Densaýlyq saqtaý mınıstrligi esepke alý qujattaryn 32%-ǵa qysqartty, dep habarlaıdy vedomstvonyń baspasóz qyzmeti.
None
None

Osy oraıda, QR Densaýlyq saqtaý mınıstri «Densaýlyq saqtaý uıymdarynyń bastapqy medıtsınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń m.a. 2010 jylǵy 23 qarashadaǵy № 907 buıryǵyna ózgertýler men tolyqtyrýlar engizý týraly» buıryǵyna qol qoıdy.

Túzetýler aýrýhanalar men emhanalarda, sonymen qatar qan qyzmeti uıymdarynda jáne t.b. medıtsına qyzmetkerimen toltyrylatyn esepke alý formalaryna qatysty.

Buıryq QR Ulttyq ekonomıka mınıstrligi Statıstıka komıtetimen, Densaýlyq saqtaý men áleýmettik damý máseleleri boıynsha qoǵamdyq keńespen, «Atameken» QR UKP-men, kásibı medıtsınalyq jáne farmatsevtıkalyq birlestiktermen, QR DSM vedomstvoǵa baǵynysty uıymdarmen kelisildi.

Esterińizge sala keteıik, atalǵan sharalar «Halyq densaýlyǵy jáne densaýlyq saqtaý júıesi týraly» QR Kodeksine sáıkes esep qujattarynyń úlgilerin ońtaılandyrýǵa, densaýlyq saqtaý salasyndaǵy statıstıkalyq esep berýdiń ulttyq júıesin «Densaýlyq» Memlekettik baǵdarlamasyn júzege asyrý aıasynda halyqaralyq standarttarǵa sáıkestendirýge negizdelgen.

Сейчас читают