QR Densaýlyq saqtaý mınıstrligi Instagram-ǵa kirmeýge keńes berdi

ASTANA. QazAqparat - Instagram áleýmettik jelisinde qurylǵan «Densaýlyq saqtaý mınıstrligi» akkaýnttary jalǵan, dep habarlaıdy QazAqparat. 

«Instagram áleýmettik jelisinde «Densaýlyq saqtaý mınıstrligi» atty birqatar shyndyqqa janaspaıtyn akkaýnttardy belgisiz adamdar qurǵan.Olarda jarııalanǵan kez kelgen aqparat Qazaqstan Respýblıkasy Densaýlyq saqtaý jáne áleýmettik damý mınıstrliginiń resmı ustanymy bolyp tabylmaıdy.Búgingi tańda QR DSÁDM-niń atalǵan áleýmettik jelide resmı paraqshasy joq»,-dep atap óttilgen hatta.

Osy oraıda bul máselege baılanysty QR DSÁDM QR Aqparat jáne kommýnıkatsııa mınıstrligine tıisti sharalardy qabyldaý maqsatynda hat jiberedi.

Aıta keteıik, QR DSÁDM qyzmetine qatysty barlyq shynaıy aqparat mınıstrliktiń www.mzsr.gov.kz resmı saıtynda jarııalanady.