QR Densaýlyq saqtaý mınıstrligi balalardy pnevmokokk ınfektsııasyna qarsy vaktsınatsııalaýdy engizýde
ASTANA. 12 qarasha. QazAqparat - Qazaqstan Respýblıkasy Densaýlyq saqtaý mınıstrligi Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan
«Salamatty Qazaqstan» memlekettik baǵdarlamasyn iske asyrý jónindegi is-sharalar josparyna sáıkes Ulttyq profılaktıkalyq egýler kúntizbesine balalardy pnevmokokk ınfektsııasyna qarsy vaktsınatsııalaýdy engizýde, dep habarlaıdy QR Densaýlyq saqtaý mınıstrliginiń baspasóz qyzmeti.
2010 jylǵy 1 jeltoqsannan bastap balalardy pnevmokokk ınfektsııasyna qarsy vaktsınatsııalaý respýblıkanyń eki óńirinde - Shyǵys Qazaqstan jáne Mańǵystaý oblystarynda bastalady, keıinnen basqa óńirlerde de balalardy vaktsınatsııalaý kezeń-kezeńmen qamtylyp, 2015 jyly jalpy respýblıka boıynsha júrgiziledi.
Eki óńir úshin pnevmokokktardyń serotıpteriniń neǵurlym keń spektoryn qamtıtyn, Dúnıejúzilik Densaýlyq saqtaý uıymy (DDU) sertıfıkattaǵan, sapasyna kepildik berilgen pnevmokokk vaktsınasy satyp alyndy.
Balalardy pnevmokokk ınfektsııasyna qarsy vaktsınatsııalaýǵa memlekettik bıýdjetten 2010 jyldan bastap 2015 jyl kezeńinde 28 mlrd. astam teńge bólý josparlanyp otyr.
Qazirgi kezde sábı jastaǵy balalardyń tynys alý aǵzalarynyń aýrýlary mańyzdy problemalarynyń biri bolyp tabylady. Osy problemanyń ózektiligi jalpy aýrýlar sanynan sábı jastaǵy balalardyń tynys alý aǵzalary aýrýlarynyń úles salmaǵynyń joǵary bolýyna, asqynýlardyń artýyna, sondaı-aq qozdyrǵyshtardyń ártúrli shtammdarynyń bakterııaǵa qarsy preparattarǵa tózimdiliginiń artýyna baılanysty.
DDU málimetine sáıkes, álemde jyl saıyn pnevmokokktan bolatyn aýrýlardan 1,6 mln. astam adam qaıtys bolady, onyń ishinde 0.7-1 mln. - 5 jasqa tolmaǵan balalar.
Qazaqstan Respýblıkasynda týǵannan bastap 14 jasqa deıingi balalardyń syrqattanýshylyq qurylymynda tynys alý aǵzalarynyń barlyq aýrýlarynyń úles salmaǵy 48,4%-dy quraıdy. 5 jasqa deıingi balalardyń ólimi negizinen respıratorlyq (JRVI, pnevmonııa) jáne ishek ınfektsııalarymen baılanysty bolyp otyr. Balalar ólimi sebebiniń qurylymynda respıratorlyq ınfektsııa 60%-dan astam oryn alady. Bul rette balanyń ólimine ádette respıratorlyq vırýstyq-bakterıologııalyq ınfektsııanyń ótýin asqyndyratyn pnevmonııa tikeleı sebepshi bolyp tabylady.
Balalardy 2 aılyǵynan bastap pnevmokokk ınfektsııasyna qarsy vaktsınatsııalaýdy respýblıkanyń profılaktıkalyq egýler kúntizbesine engizý 5 jasqa deıingi balalardyń pnevmonııamen syrqattanýshylyǵyn 50 %-ǵa, ólimin 20 %-ǵa aıtarlyqtaı azaıtýǵa múmkindik beredi.
Pnevmokokk ınfektsııasyna qarsy vaktsınatsııalaý álemniń 50 damyǵan elinde engizilgen (AQSh, Germanııa, Belgııa, Frantsııa, Ulybrıtanııa jáne t.b). TMD elderi ishinde Qazaqstan Ulttyq profılaktıkalyq egýler kúntizbesine pnevmokokk ınfektsııasyna qarsy vaktsınatsııalaýdy engizgen alǵashqy el bolyp tabylady.
DDU derekterine sáıkes, AQSh-ta epıdemıologııalyq zertteýlerdiń qorytyndylary boıynsha pnevmokokk ınfektsııasyna qarsy vaktsınatsııany engizgennen keıin bir jyldan soń halyqtyń pnevmonııamen syrqattanýshylyǵy jalpy alǵanda 32 %-ǵa, onyń ishinde pnevmokokk etıologııasy 68 %-ǵa tómendegeni anyqtalǵan.
DDU pozıtsııasyna sáıkes vaktsınatsııa - menıngıt, pnevmonııa jáne otıttermen syrqattanýshylyq deńgeıine aıtarlyqtaı yqpal etetin jalǵyz tásil.
