QR densaýlyq saqtaý mınıstrligi áleýmettik tapsyrys aıasynda 16 úkimettik emes uıymmen jumys istep otyr

ASTANA: 21 qarasha. QazAqparat - Búgingi kúnde, áleýmettik tapsyrys aıasynda QR densaýlyq saqtaý mınıstrligi memleketten áleýmettik tapsyrys alǵan 16 úkimettik emes uıymmen jumys isteýde, dep habarlady vedomstvonyń baspasóz qyzmeti.

Áleýmettik jobalar adamdardyń ómir jasyn uzartý, salaýatty ómir saltyn ustaný jáne qant dıabeti bar adamdardyń ómir sapasyn jaqsartýmen qatar medıtsınalyq aldyn alý sharalaryn óristetýge baǵyttalǵan.

Sonymen qatar, birqatar jobalar medıtsınalyq qyzmet sapasyn arttyrý jáne dári-dármekpen qamtamasyz etý, medıtsınalyq-sanıtarlyq alǵashqy kómek kórsetetin áleýmettik qyzmetkerlerdi daıyndaý, medıtsına qyzmetkerleriniń bedelin arttyrý sııaqty máselelerge arnalǵan, delingen habarlamada.