QR Densaýlyq saqtaý mınıstriniń buıryǵymen mınıstrlik janynan naýqastardyń quqyqtaryn qorǵaý jónindegi qoǵamdyq keńes quryldy
ASTANA. 8 aqpan. QazAqparat - Búgin Qazaqstan Respýblıkasynyń Densaýlyq saqtaý mınıstrliginde QR Premer-Mınıstri K. Másimovtyń tapsyrmasyna saı «Vremıa» gazetiniń tilshisi V. Býrdınniń maqalalarynda jarııalanǵan máseleler boıynsha qurylǵan jumys tobynyń otyrysy bolyp ótti.
QR Densaýlyq saqtaý mınıstrliginiń baspasóz qyzmeti taratqan habarlamada aıtylǵandaı, jumys toby densaýlyq saqtaý salasyna qatysty veb-portalǵa, senim telefonyna kelip túsken, BAQ-da jarııalanǵan jeke jáne zańdy tulǵalardyń aryz-shaǵymdary boıynsha júrgizilgen tekseristerdiń aralyq nátıjelerin qarastyrdy. Jumys tobynyń quramyna mınıstrliktiń qurylymdyq bólimsheleriniń jetekshileri, sondaı-aq «Astana qalasy táýelsiz sarapshylarynyń qaýymdastyǵy» qoǵamdyq birlestigi, Densaýlyq saqtaý salasy qyzmetkerleriniń kásiptik odaǵy, «Qazaqstan dárigerleri men provızorlarynyń qaýymdastyǵy» RQB, «Aman-saýlyq» qoǵamdyq qory sııaqty úkimettik emes uıymdardyń ókilderi, «Vremıa» gazetiniń tilshisi V. Býrdın kirdi.
Kelip túsken habarlamalardyń (205) basym bóligin, ıaǵnı 75 paıyzyn - jergilikti atqarýshy organdardyń, 25 paıyzyn - ortalyq quzyrly organǵa qatysty suraqtar qurady.
Densaýlyq saqtaý mınıstrligi aryz-shaǵymdarda kórsetilgen faktilerdi tekserý maqsatynda jospardan tys 34 tekseris júrgizýde.
Densaýlyq saqtaý mınıstrliginiń jáne Medıtsınalyq jáne farmatsevtıkalyq qyzmetti baqylaý komıtetiniń barlyq aýmaqtyq bólimshelerinde senim telefondary qalypty jaǵdaıda jumys isteýde.
Densaýlyq saqtaý mınıstri S.Qaıyrbekovanyń buıryǵymen mınıstrlik janynan naýqastardyń quqyqtaryn qorǵaý jónindegi qoǵamdyq keńes quryldy. Atalǵan Keńes patsıentterdiń quqyqtaryn qorǵaý jáne densaýlyq saqtaý salasyndaǵy sybaılas jemqorlyq quqyq buzýshylyqtardyń aldyn alý mindetin júzege asyratyn bolady.
Jumys komıssııasynyń otyrysyna QR Parlamenti Senatynyń depýtaty S.A. Aıaǵanov, QR Parlamenti Májilisiniń depýtattary M.A.Aısına., G.E.Isımbaeva («Nur Otan» HDP janyndaǵy Memlekettik qyzmetter men ruqsat berý qujattarynyń sapasy men qoljetimdigin baqylaý jáne monıtorıng jasaý jónindegi respýblıkalyq qoǵamdyq keńestiń múshesi), «Atameken» Odaǵy» QUEP» ZTQ Basqarma tóraǵasynyń birinshi orynbasary E.S. Nıkıtınskaıa, respýblıkalyq jáne jeke menshik medıtsınalyq uıymdardyń jetekshileri, úkimettik emes qoǵamdyq uıymdardyń tóraǵalary, sondaı-aq mınıstrliktiń qurylymdyq bólimsheleriniń basshylary qatysty.
Mundaı qoǵamdyq keńester oblystar, Astana jáne Almaty qalalary densaýlyq saqtaý basqarmalarynyń janynan da qurylady. Mınıstrliktiń Qoǵamdyq keńesi azamattardyń aryz-shaǵymdaryn qaraý boıynsha jumys qorytyndylaryn toqsan saıyn tyńdap otyrady.
