QR Densaýlyq saqtaý mınıstri jumys saparymen Qyzylordada boldy

QYZYLORDA. QazAqparat-Búgin QR Densaýlyq saqtaý mınıstri Eljan Birtanov bastaǵan respýblıkalyq aqparattyq - nasıhattyq top (ANT) Elbasynyń «Qazaqstannyń úshinshi jańǵyrýy: jaHandyq básekelestikke qabilettilik» atty Joldaýyn túsindirý maqsatynda Qyzylordaǵa keldi,-dep habarlady QazAqparat HAA tilshisi.

ANT músheleri Qyzylorda oblysynyń ahýaldyq ortalyǵynyń jumysymen tanysyp, oblys ákimi Qyrymbek Kósherbaevpen jáne aımaq aktıvimen kezdesti. Sonymen qatar medıtsınalyq aqparattyq júıeni engizýdiń tanystyrylymyn ótkizdi.

 

Oblystyń aktıv otyrysynda Elbasy Joldaýynyń basym baǵyttary, onyń ishinde mindetti áleýmettik medıtsınalyq saqtandyrý júıesin engizýdiń artyqshylyqtary túsindirildi.

«2016 jyly medıtsına ókilderine, turǵyndarǵa, jumys berýshilerge túsindirý, talqylaý jumystary júrgizildi. Oblys kóleminde arnaıy shtabtar qurylyp, jumysy uıymdastyrylsa, aqparattandyrý jumystary buqaralyq aqparat quraldarynda keńinen nasıhattaldy»,- dedi oblys ákimi Qyrymbek Kósherbaev jıyndy asha otyryp.

QR Densaýlyq saqtaý mınıstri Eljan Birtanov pen «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń basqarma tóraıymynyń orynbasary Erik Baıjúnisov saqtandyrý júıesiniń múmkindikteri týraly aıtyp, jıynǵa qatysýshylardyń saýaldaryna jaýap berdi.

 

Munan soń Qyzylorda oblysynyń densaýlyq saqtaý basqarmasy men «SANA-MED» JShS arasynda memlekettik-jekemenshik áriptestik negizinde №2 qalalyq emhana jobasyn júzege asyrý týraly kelisimge qol qoıyldy.

Osy kúni aqparattyq-nasıhattyq top músheleri medıtsınalyq qyzmet kórsetý salasyndaǵy kásipkerlermen jáne medıtsına qaýymymen kezdesti.