QR Densaýlyq saqtaý mınıstri elimizde katamnez ortalyqtaryn qurýdy tapsyrdy
Jıynda dúnıejúzilik tájirıbeni qoldana otyryp, múgedektik pen bala ólimin azaıtý arqyly perınataldyq patologııaǵa shaldyqqan balalardyń ómir súrý sapasyn jaqsartýǵa qatysty boldy. Erte shara qoldanylǵan jaǵdaıda múgedektik pen bala ólimi azaıady. Bul shara QR 2019-2021 j.j. bala jáne sábı ólimin tómendetý boıynsha jedel is-sharalar josparynyń aıasynda kórinis tapqan.
Aıta ketý kerek, №2 aýrýhanada katamnez bólimshesi bıyl aqpan aıynda bıýdjet negizinde ashylǵan. Álemdik praktıkada perınataldyq patologııaǵa shaldyqqan balalar statsıonardan shyqqannan keıin jańa týǵan náresteler men 1 jasqa deıingi balalardyń ómir súrý sapasyn qoldaý men arttyrýǵa arnalǵan mamandandyrylǵan katamnez kabınetterinde baqylaýda bolady. Búginde bólimshe mamandary shala týǵan shaqalaqtardy kútýmen ǵana emes, sonymen qatar bolashaqta sábılerdiń densaýlyǵynyń odan ári nasharlaýyna jol bermeýge kómektesedi.
«Katamnez ortalyǵy» JShS dırektory, joǵary bilikti sanatty neonatolog-dáriger Baljan Tátibekovanyń málimdeýinshe, qazir bólimshede jańa týǵan balalardy prospektıvti jáne retrospektıvti baqylaýda ustaıdy.
Ortalyq QR 2019-2021 jyldary bala jáne sábı ólimin tómendetý boıynsha jedel is-sharalar josparynyń aıasynda balalardy ońaltý jáne reanımatsııalyq qyzmettiń tıimdiligin arttyrý maqsatynda qurylǵan.
Vedomstvo basshysy Qazaqstanda katamnestıkalyq qyzmetti damytýdyń mańyzdylyǵyn atap ótti. E. Birtanovtyń aıtýynsha, osyndaı ortalyqtar atqaratyn fýnktsııalardyń mańyzdylyǵyn eskere otyryp, olardy barlyq jerde ashý qajet. Mınıstr osy máseleni sheshýdi tapsyrdy.
- Mundaı ortalyqtardy qaı óńirlerde qurýǵa bolatynyn anyqtaýymyz kerek, sarapshylardyń pikirinshe, olar balalar aýrýhanasy men perınataldyq ortalyqtarda ornalasqany durys. MSAK-pen tyǵyz baılanysta jumys istep jáne aqparattyq júıemen ıntegratsııalanýy qajet. Sonymen qatar, mamandar jumys isteýi úshin hattama men standarttar bolýy tıis, dedi mınıstr. Buǵan qosa qajetti NQA daıyndaý, ortalyqtardy medıtsınalyq jabdyqtarmen jáne medıtsınalyq kadrlarmen qamtamasyz etý qajet ekenin eskerdi. Mundaı ortalyqtar bıýdjet esebinen qarjylandyratyn bolady.
«MMS qorynda qajetti aqsha bar, balalar saqtandyrylady jáne medıtsınalyq qyzmet tegin bolady», - dedi E. Birtanov.
Mınıstrlik jeke menshik katamnez ortalyqtaryn da qoldaıdy.
Keńeste vedomstvo basshysy jaqynda Densaýlyq saqtaý mınıstrligi janynan áleýmettik medıtsınalyq saqtandyrý boıynsha jańa basqarma ashý josparlanǵanyn, ol múgedekterdi ońaltýmen tikeleı aınalysatynyn aıtty.