QR Densaýlyq mınıstrligi jalaqyny kóterý máselesi boıynsha qaýyrt jelini iske qosty
NUR-SULTAN. QazAqparat - Densaýlyq saqtaý mınıstrligi medıtsına salasynyń qyzmetkerleriniń jalaqysyna qatysty qaýyrt jelini iske qosty, dep habarlaıdy QazAqparat mınıstrliktiń Facebook-tegi paraqshasyna silteme jasap.
«Densaýlyq saqtaý mınıstrliginde 2019 jyldyń 1 maýsymynan bastap densaýlyq saqtaý júıesi qyzmetkerleriniń jalaqysyna qatysty suraqtar boıynsha qaýyrt jeli telefony iske qosyldy. Qosymsha saýaldaryńyz bolsa, jumys kúnderi saǵat 9-00 den bastap 18.30-ǵa deıin 8 (7172)74-32-17 telefonyna habarlasa alasyzdar», delingen habarlamada.
Mınıstrlik dárigerlerge osy másele boıynsha kásipodaq uıymdaryna habarlasýǵa bolatyndyǵyn jetkizdi.
Qazaqstandyq densaýlyq saqtaý qyzmetkerleriniń salalyq kásipodaǵy: M.S. Býtına, telefony: 8-701-722 -9153; B.A. Tájibaı, telefony 8 (7172)-25-49-30; G.E. Mýsına, telefony: 8-702-999-4040. «SENIM» Densaýlyq saqtaý júıesi qyzmetkerleriniń salalyq kásipodaǵynyń telefony: I.A. Toşeva 8 (7172)-20-23-72.
Eske sala ketsek, buǵan deıin mınıstrlik maýsym aıynyń sońynda densaýlyq saqtaý júıesindegi 400 myńǵa jýyq adamnyń jalaqysy 30 paıyzǵa ósetindigin habarlaǵan bolatyn. Qyzmetkerlerdiń eńbekaqysy olardyń laýazymyna, jumys ótili men biliktilik sanatyna qaraı ósedi.
