QR-de pedofılder týraly málimetterdiń elektrondy kartasy ashyq túrde qoljetimdi boldy
«Sońǵy jyldary jynystyq zorlyq-zombylyq máselesi kúrt ýshyǵyp ketti. Ásirese osyndaı zorlyq-zombylyqtyń balalarǵa qatysty oryn alý faktileri qorqynysh týǵyzady. Bulardyń sebepteri men sharttary adamgershilik jáne quqyqtyq sıpattaǵy problemalarmen qatar týyndaıdy. Osyǵan baılanysty, memleket qylmystyń osy túrin tómendetýge baǵyttalǵan sharalardy qabyldady. Sheteldik tájirıbe de paıdalanylýda. Olardyń ishinde, mysaly, pedofılder úshin shekteý sharalary, sonymen qatar medıtsınalyq sıpattaǵy májbúrleý sharalarynyń qosymsha túri retinde hımııalyq jolmen sylyp alýdy qoldaný engizildi», - delingen Komıtettiń habarlamasynda.
Atap ótilgendeı, aǵymdaǵy jyldyń basynan beri kámeletke tolmaǵandarǵa jynystyq tıispeýshilikke qarsy qylmystyq quqyq buzýshylyqtar jasaǵany úshin qylmystyq jaýaptylyqqa tartylǵan adamdardy esepke alý jáne olar týraly málimetterdi jarııalaý engizildi.
«Bul málimetter Komıtettiń https://infopublic.pravstat.kz portalynda qylmyskerler týraly derekter (foto, T.A.Á., týǵan kúni, turǵylyqty meken-jaıy jáne sottylyǵy týraly málimetter) kórsetiletin elektrondyq karta túrindegi «Geoaqparattyq júıeler» bóliminde qoljetimdi. Osy aqparat sizge ózińizdi jáne balalaryńyzdy yqtımal qaýipten qorǵaýǵa kómektesedi.
Osyǵan uqsas kartalar birqatar shetelderde de bar», - dep atap ótilgen QR BP Kquqyqtyq statıstıka jáne arnaıy esepke alý komıteti baspasóz qyzmetiniń habarlamasynda. .
