QR damyǵan 30 el qataryna JІÓ boıynsha ǵana emes, azamattar tabysynyń deńgeıi men halyqtyń ómir súrý sapasy boıynsha da kiredi - E.Dosaev
ASTANA. QazAqparat - Qazaqstan 2050 jyly álemniń eń damyǵan 30 memleketiniń qataryna jan basyna shaqqandaǵy jalpy ishki ónimi boıynsha ǵana emes, sonymen qatar óndirýshi jáne turaqty ekonomıkasy bar azamattar tabysynyń deńgeıi men halyqtyń ómir súrý sapasy boıynsha da kiredi. Búgin Parlament Májilisindegi Úkimet saǵatynda Ekonomıka jáne bıýdjettik josparlaý mınıstri Erbolat Dosaev osylaı málim etti.
«Qazaqstannyń álemniń eń damyǵan elderi tobyna kirýin mejeleý úshin 2050 jylǵa deıingi tıimdiliktiń negizgi kórsetkishteri aıqyndaldy. Máselen, ekonomıkalyq damý salasynda, jalpy ishki ónimniń ortasha ósý qarqyny 4,3% bolǵanda, jan basyna shaqqandaǵy jalpy ishki óniminiń nysanaly mánin 60 myń AQSh dollaryna jetkizý qajet. Jalpy ishki ónim qurylymyndaǵy munaı emes eksport úlesin 32-den 70%-ǵa deıin jetkizý kerek», - dedi mınıstr E. Dosaev.
Onyń aıtýynsha, mejelengen kezeńde eńbek ónimdiligi 5 ese ulǵaıýy tıis.
