QR-daǵy Adam quqyqtary jónindegi ýákil janyndaǵy Sarapshylyq keńestiń otyrysy ótti
Bul týraly ombýdsmenniń baspasóz qyzmetinen habarlady.
Otyrys barysynda «Qazaqstan Respýblıkasynyń ishki ister organdary týraly» QR Zańynyń jobasy talqylanyp, oǵan Іshki ister mınıstrliginiń ókilderi qatysty. Іs-sharada zań jobasyn halyqaralyq standarttarǵa sáıkestendirý usynystary aıtyldy.
Aıtylǵan pikirlerdi jınaqtap, onyń qorytyndylaryn Parlament Májilisiniń tıisti Jumys tobyna joldaý týraly sheshim qabyldandy.
Keńes músheleri sondaı-aq, zeınetaqy zańnamasyn jańǵyrtý, onyń ishinde áıelderdiń zeınet jasyn arttyrý jáne Birynǵaı jınaqtaýshy zeınetaqy qoryn qurý máseleleri talqylandy.
Sarapshylyq keńes músheleriniń nazaryna Parlament Májilisinde «Qazaqstan Respýblıkasynyń keıbir zańnamalyq aktilerine azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrleriniń aldyn alýǵa baǵyttalǵan ulttyq aldyn alý tetigin jasaý máseleleri boıynsha ózgerister men tolyqtyrýlar engizý týraly» QR Zańy jobasynyń talqylaný barysy týraly aqparat jetkizildi.
